នាយករដ្ឋមន្រ្តីវៀតណាម លោក Pham Minh Chinh អញ្ជើញជាអធិបតីក្នុងកិច្ចប្រជុំរវាងរដ្ឋាភិបាលជាមួយ អគ្គសហព័ន្ធពលកម្មវៀតណាម
កប.អនឡាញ - នារសៀលថ្ងៃទី ១៦ ខែតុលា នៅទីស្នាក់ការរដ្ឋាភិបាល នាយករដ្ឋមន្រ្តីវៀតណាម លោក Pham Minh Chinh បានអញ្ជើញជាអធិបតីនៃកិច្ចប្រជុំស្តីពីទំនាក់ទំនងការងាររវាងរដ្ឋាភិបាល និងអគ្គសហព័ន្ធពលកម្មវៀតណាម ឆ្នាំ ២០២១ ទិសដៅ និងភារកិច្ចក្នុងឆ្នាំ ២០២២។
ថ្លែងក្នុងកិច្ចប្រជុំនេះ លោកនាយករដ្ឋមន្រ្តី Pham Minh Chinh បានសង្កត់ធ្ងន់ថា ក្នុងបរិបទដែលមានការលំបាក និងបញ្ហាប្រឈមជាច្រើននេះ អគ្គសហព័ន្ធពលកម្មវៀតណាម ត្រូវតែប្រកៀគស្មារជាមួយរដ្ឋាភិបាលដើម្បីអនុវត្តន៍ល្អរាល់ភារកិច្ចទាំងអស់ ខិតខំអនុវត្តន៍ដោយជោគជ័យនូវគោលដៅដែលមហាសន្និបាតបក្ស លើកទី ១៣ បានដាក់ចេញ។ ជាពិសេសគឺឆ្លើយតបប្រកបដោយសុវត្ថិភាព មានភាពបត់បែន និងមានប្រសិទ្ធភាពក្នុងការប្រយុទ្ធប្រឆាំងនឹងការរីករាលដាលនៃជំងឺកូវីដ-១៩ ដែលប្រយុទ្ធប្រឆាំងនឹងការរីករាលដាលនៃជំងឺរាតត្បាតប្រកបដោយជោគជ័យផង និងស្តារ ហើយជំរុញការអភិវឌ្ឍសេដ្ឋកិច្ចសង្គម និងការធានាសន្តិសុខសង្គមផង។
    |
 |
|
លោកនាយករដ្ឋមន្រ្តី Pham Minh Chinh អញ្ជើញជាអធិបតីក្នុងកិច្ចប្រជុំរវាងរដ្ឋាភិបាលជាមួយអគ្គសហព័ន្ធពលកម្មវៀតណាម (រូបថត៖ vnanet.vn) |
លោកនាយករដ្ឋមន្រ្តីបានស្នើឱ្យសហជីពគ្រប់ជាន់ថ្នាក់បន្តអនុវត្តចលនាប្រឡងប្រណាំង ជំនះរាល់ការលំបាក រួមជាមួយប្រទេសទាំងមូលចូលរួមប្រយុទ្ធប្រឆាំងនឹងជំងឺរាតត្បាត និងស្តារសេដ្ឋកិច្ចឡើងវិញ។
លោកនាយករដ្ឋមន្រ្តីក៏បានស្នើឲ្យក្រសួង ស្ថាប័ន និងអាជ្ញាធរមូលដ្ឋានទាំងអស់ឲ្យសហការយ៉ាងសកម្មជាមួយអគ្គសហព័ន្ធពលកម្ម និងសហជីពគ្រប់ជាន់ថ្នាក់ដើម្បីដោះស្រាយឱ្យបានឆាប់រហ័សនូវសេចក្តីប្រាថ្នា និងផលប្រយោជន៍ស្របច្បាប់របស់ពលករ៕
បកប្រែដោយ Duy Hoan