កិច្ចប្រជុំកំពូល APEC លើកទី ២៧
កប.អនឡាញ - នៅថ្ងៃទី ២០ ខែវិច្ឆិកា កិច្ចប្រជុំកំពូលវេទិកាសហប្រតិបត្តិការសេដ្ឋកិច្ចអាស៊ី - ប៉ាស៊ីហ្វិក (APEC) លើកទី ២៧ បានធ្វើឡើងតាមរយៈប្រព័ន្ធវីដេអូ ក្រោមអធិបតីនាយករដ្ឋមន្ត្រីម៉ាឡេស៊ីលោក Muhyiddin Yassin និងមានការចូលរួមពីថ្នាក់ដឹកនាំនិងតំណាងសមាជិកចំនួន ២១ របស់ APEC, អគ្គនាយកមូលនិធិរូបិយវត្ថុអន្តរជាតិ (IMF), ក្រុមប្រឹក្សាផ្តល់យោបល់ពាណិជ្ជកម្ម APEC (ABAC), ក្រុមប្រឹក្សាសហប្រតិបត្តិការសេដ្ឋកិច្ចប៉ាស៊ីហ្វិក (PECC), វេទិកា្រប្រជុំកោះប៉ាស៊ីហ្វិក (PIF) និងលេខាធិការដ្ឋានអាស៊ាន។ នាយករដ្ឋមន្ត្រីវៀតណាមលោក Nguyen Xuan Phuc បានដឹកនាំគណៈប្រតិភូវៀតណាមចូលរួមកិច្ចប្រជុំនេះ។
នៅឯកិច្ចប្រជុំនេះ ថ្នាក់ដឹកនាំ APEC បានបញ្ជាក់ពីសារៈសំខាន់នៃការពង្រឹងការជឿទុកចិត្ត និងជំរុញកិច្ចសហប្រតិបត្តិការពហុភាគី ចាប់យកឱកាសថ្មីៗដោយផ្អែកលើបច្ចេកវិទ្យាឌីជីថល និងតភ្ជាប់ឌីជីថលដើម្បីស្ដារអាស៊ី - ប៉ាស៊ីហ្វិកឡើងវិញឆាប់ៗនេះ ។ កិច្ចប្រជុំបានលើកកម្ពស់តួនាទីរបស់ផ្នែកវិទ្យាសាស្ត្រនិងបច្ចេកវិទ្យាក្នុងការគ្រប់គ្រងជំងឺរាតត្បាត និងធានានូវសិទ្ធិស្មើភាពគ្នារបស់ប្រជាជនទាំងអស់ក្នុងការចាក់វ៉ាក់សាំងនិងផលិតផលវេជ្ជសាស្ត្រចាំបាច់មានគុណភាព ប្រសិទ្ធភាពនិងតម្លៃសមរម្យ។
    |
 |
លោកនាយករដ្ឋមន្រ្តី Nguyen Xuan Phuc អញ្ជើញចូលរួមកិច្ចប្រជុំកំពូល APEC តាមរយៈប្រព័ន្ធវីដែអូ (រូបថត៖ vnanet.vn) |
ថ្លែងនៅក្នុងកិច្ចប្រជុំនេះ លោកនាយករដ្ឋមន្រ្តី Nguyen Xuan Phuc បានសង្កត់ធ្ងន់លើភាពចាំបាច់ក្នុងការលើកកម្ពស់ស្មារតីនៃកិច្ចសហប្រតិបត្តិការនិងការទទួលខុសត្រូវជាមួយសហគមន៍អន្តរជាតិ ជាពិសេសគឺពង្រឹងកិច្ចសហប្រតិបត្តិការពហុភាគីដើម្បីដោះស្រាយបញ្ហាប្រឈមរយៈពេលខ្លីនិងរយៈពេលវែងក្នុងការឆ្លើយតប" វិបត្តិបច្ចុប្បន្ន" ។ ក្នុងនាមជាប្រធានអាស៊ានឆ្នាំ ២០២០ លោកនាយករដ្ឋមន្រ្តី Nguyen Xuan Phuc បានចែករំលែកបទពិសោធន៍និងសមិទ្ធិផលរបស់វៀតណាមនិងសហគមន៍អាស៊ានក្នុងការឆ្លើយតបជំងឺរាតត្បាតទាន់ពេលវេលានិងស្ដារសេដ្ឋកិច្ចឡើងវិញជាបណ្ដើរៗ ។
ទាក់ទងនឹងទិសដៅនៃកិច្ចសហប្រតិបត្តិការ APEC លោកនាយករដ្ឋមន្រ្តី Nguyen Xuan Phuc បានស្នើឱ្យ APEC សម្របសម្រួលយ៉ាងជិតស្និទ្ធក្នុងការគ្រប់គ្រងជំងឺរាតត្បាត ជំរុញការតភ្ជាប់សេដ្ឋកិច្ចនិងធានាខ្សែសង្វាក់ផ្គត់ផ្គង់ដើម្បីឱ្យអាស៊ី - ប៉ាស៊ីហ្វិកបន្តធ្វើជាក្បាលម៉ាស៊ីនក្នុងដំណើរការស្តារសេដ្ឋកិច្ចឡើងវិញ។ លោកនាយករដ្ឋមន្រ្តីបានសង្កត់ធ្ងន់ថា កម្លាំងចលករថ្មីសម្រាប់ APEC គឺអនុវត្តការផ្លាស់ប្តូរឌីជីថលដ៏ទូលំទូលាយដើម្បីលើកកម្ពស់គុណតម្លៃស្នូលរបស់ APEC និងប្រែក្លាយតំបន់អាស៊ី-ប៉ាស៊ីហ្វិកទៅជាមជ្ឈមណ្ឌលសម្រាប់ផ្លាស់ថ្មី បច្ចេកវិទ្យា ការអភិវឌ្ឍប្រកបដោយចីរភាព និងការឆ្លើយតបចំពោះបញ្ហាសន្តិសុខមិនមែនប្រពៃណី ជាពិសេសជំងឺរាតត្បាត គ្រោះមហន្តរាយធម្មជាតិ ធនធានទឹក និងការប្រែប្រួលអាកាសធាតុ ... គប្បីក្លាយទៅជាសសរស្តម្ភថ្មីនៃកិច្ចសហប្រតិបត្តិការ APEC។ ក្នុងនោះប្រជាជននិងអង្គភាពអាជីវកម្មដើរតួនាទីមជ្ឈភាពនៃការអភិវឌ្ឍនិងការតភ្ជាប់សេដ្ឋកិច្ច។ លោកនាយករដ្ឋមន្រ្តីបានបញ្ជាក់ថា វៀតណាមបន្តរួមដំណើរជាមួយសមាជិក APEC ដើម្បីប្រែក្លាយសេចក្តីប្រាថ្នាសន្តិភាពស្ថិរភាពនិងសុភមង្គលរបស់ប្រជាជនទាំងអស់នៅក្នុងតំបន់ទៅជាកាពិត។
កិច្ចប្រជុំបានអនុម័តសេចក្តីថ្លែងការណ៍ Putrajaya ស្តីពីចក្ខុវិស័យ APEC ដល់ឆ្នាំ ២០៤០ និងសេចក្តីថ្លែងការណ៍រួមទីក្រុងគូឡាឡាំពួឆ្នាំ ២០២០ ហើយនិងបញ្ជាក់ពីការបញ្ចប់ការអនុវត្តគំនិតផ្តួចផ្តើមដែលបានផ្តួចផ្តើមដោយវៀតណាមស្តីពីការបង្កើតក្រុមចក្ខុវិស័យ APEC និងការដាក់ទិសដៅសហប្រតិបត្តិការរបស់ APEC ក្នុងដំណាក់កាលអភិវឌ្ឍន៍ថ្មីដែលត្រូវបានអនុម័តនៅឯកិច្ចប្រជុំកំពូល APEC លើកទី ២៥ ដែលបានធ្វើឡើងនៅខែវិច្ឆិកា ឆ្នាំ ២០១៧ នៅទីក្រុង Da Nang (ប្រទេសវៀតណាម) កន្លងមក។
នៅចុងបញ្ចប់នៃកិច្ចប្រជុំនេះ នាយករដ្ឋមន្រ្តីនូវែលហ្សេឡង់លោក Jacinda Ardern បានទទួលតួនាទីជាម្ចាស់ផ្ទះនៃកិច្ចប្រជុំកំពូល APEC លើកទី ២៨ ក្រោមប្រធានបទ“ រួមដំណើរជាមួយគ្នា - កិច្ចសហប្រតិបត្តិការរួម - កំណើនសេដ្ឋកិច្ចរួម”៕
បកប្រែដោយ Pham Diep