អាស៊ាន និង OECD ជំរុញកិច្ចសហប្រតិបត្តិការលើការធ្វើកំណែទម្រង់រដ្ឋបាលដើម្បីឆ្លើយតបទៅនឹងជំងឺ Covid-19
កប.អនឡាញ - នារសៀលថ្ងៃទី ១១ ខែសីហា នៅទីក្រុងហាណូយ ទីស្តីការរដ្ឋាភិបាលវៀតណាម បានសហការជាមួយអង្គការសហប្រតិបត្តិការ និងអភិវឌ្ឍន៍សេដ្ឋកិច្ច (OECD) និងស្ថានអគ្គកុងស៊ុលអង់គ្លេសប្រចាំនៅវៀតណាម បានរៀបចំសន្និសីទតាមប្រព័ន្ធវីដេអូ ក្រោមប្រធានបទ “កាត់បន្ថយអំរែកដើម្បីបង្កើតបទប្បញ្ញត្តិល្អប្រសើរជាង”។ នេះជាសកម្មភាពក្នុងក្របខ័ណ្ឌនៃឆ្នាំដែលវៀតណាមកាន់តំណែងជាប្រធានអាស៊ានឆ្នាំ ២០២០។
ថ្លែងនៅក្នុងសន្និសីទនេះ រដ្ឋមន្រ្តី ប្រធានទីស្តីការរដ្ឋាភិបាល លោក Mai Tien Dung បានចែករំលែកបទពិសោធន៍ក្នុងការធ្វើកំណែទម្រង់បទប្បញ្ញត្តិ និងបែបបទរដ្ឋបាលមុន និងក្នុងកំឡុងពេលដំណើរការបង្ការ និងប្រយុទ្ធប្រឆាំងនឹងជំងឺរាតត្បាត Covid-19 នៅវៀតណាម។ អាស្រ័យហេតុនេះ ការចូលរួមរបស់ប្រព័ន្ធនយោបាយទាំងមូល សាមគ្គីភាពជាឯកច្ឆន្ទរបស់ប្រជាជននៅទូទាំងប្រទេសវៀតណាម ពិតណាស់ថា វៀតណាមនឹងសម្រេចបានគោលដៅដើរទន្ទឹមគ្នាទាំងពីរក្នុងការប្រយុទ្ធប្រឆាំងនឹងជំងឺរាតត្បាត ក៏ដូចជាការស្តារឡើងវិញ និងការរក្សាកំណើនសេដ្ឋកិច្ចជាពុំខាន។
សន្និសីទនេះ ជាឱកាសសម្រាប់បណ្តាប្រទេសអាស៊ីអាគ្នេយ៍ស្វែងយល់អំពីទស្សនៈស្តីពីការកាត់បន្ថយអំរែក ឆ្ពោះទៅរកបទប្បញ្ញត្តិល្អប្រសើរជាង ក៏ដូចជាពិភាក្សាដើម្បីស្វែងរកដំណោះស្រាយកែលម្អយន្តការ គោលនយោបាយ និងបទប្បញ្ញត្តិរដ្ឋបាលនានា ដើរទន្ទឹមនឹងការជំរុញកំណើនសេដ្ឋកិច្ច សង្គមផង និងប្រយុទ្ធប្រឆាំងនឹងជំងឺរាតត្បាតផង៕
បកប្រែដោយ Huyen Trang