ពិធីគោរពវិញ្ញាណក្ខ័ន្ធអតីតប្រធានរដ្ឋវៀតណាម លោកនាយឧត្ដមសេនីយ៍ Le Duc Anh

ក្នុងខណៈសោកស្តាយនិងក្រៀមក្រំជាទីបំផុត លោកឯកអគ្គរដ្ឋទូត Vu Quang Minh និងសមាជិក សមាជិកាទាំងអស់ស្មឹងស្មាធិ៍រយៈពេលមួយនាទីគោរពវិញ្ញាណក្ខ័ន្ធលោកអតីតប្រធានរដ្ឋវៀតណាម Le Duc Anh។

អនុពន្ធយោធាវៀតណាមប្រចាំនៅកម្ពុជាចូលគោរពវិញ្ញាណក្ខន្ធសពអតីតប្រធានរដ្ឋ លោកនាយឧត្ដមសេនីយ៍ Le Duc Anh (រូបថត៖ vnanet.vn)

សម្តេចចៅហ្វាវាំងវរវៀងជ័យអធិបតីស្រឹង្គារ គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំងកម្ពុជា ចូលគោរពវិញ្ញាណក្ខន្ធសពអតីតប្រធានរដ្ឋ លោកនាយឧត្ដមសេនីយ៍ Le Duc Anh (រូបថត៖ vnanet.vn)

ប្រធានរដ្ឋសភាកម្ពុជា សម្តេចអគ្គមហាពញាចក្រី ហេង សំរិន បានដឹកនាំគណៈប្រតិភូគណៈកម្មាធិការអចិន្ត្រៃយ៍រដ្ឋសភាបានអញ្ជើញមកចូលរួមគោរពវិញ្ញាណក្ខ័ន្ធលោកអតីតប្រធានរដ្ឋវៀតណាម Le Duc Anh។ សម្តេចអគ្គមហាពញាចក្រី ហេង សំរិន ក្នុងនាមរដ្ឋសភាកម្ពុជា និងខ្លួនផ្ទាល់សម្ដែងនូវការចូលរួមរំលែកទុក្ខ ដ៏សែនក្រៀមក្រំជាទីបំផុត ជាមួយបក្ស រដ្ឋ ប្រជាជន និងក្រុមគ្រួសារសព។ សម្តេចអគ្គមហាពញាចក្រី ហេង សំរិន សង្កត់ធ្ងន់ថា មរណភាពរបស់លោកអតីតប្រធានរដ្ឋវៀតណាម Le Duc Anh នេះគឺជាការបាត់បង់ដ៏ធំធេង នៃថ្នាក់ដឹកនាំដ៏ល្អម្នាក់របស់ប្រទេស និងប្រជាជនវៀតណាម។

សម្តេច​វិបុល​សេនា​ភក្តីកម្ពុជា សាយ ឈុំ ប្រធានព្រឹទ្ធសភាចារលើសៀវភៅក្រាំងមាសមរណទុក្ខ (រូបថត៖ vnanet.vn)

ឯកឧត្តមឧបនាយករដ្ឋមន្រ្តីកម្ពុជា យឹម ឆៃលី ចូលគោរពវិញ្ញាណក្ខន្ធសពអតីតប្រធានរដ្ឋ លោកនាយឧត្ដមសេនីយ៍ Le Duc Anh (រូបថត៖ vnanet.vn)

ចារលើសៀវភៅក្រាំងមាសមរណទុក្ខ សម្តេចអគ្គមហាពញាចក្រី ហេង សំរិន បានសរសេរថា លោកនាយឧត្ដមសេនីយ៍ Le Duc Anh គឺជាមិត្តភក្តិជិតស្និទ្ធរបស់ប្រទេសកម្ពុជា ដែលបានរួមចំណែកដ៏ធំធេងក្នុងការរំដោះប្រជាជនកម្ពុជាពីការប្រល័យពូជសាសន៍ ប៉ុល ពត ក្នុងការកសាងនិងអភិវឌ្ឍប្រទេសកម្ពុជា។ សូមឲ្យដួងព្រលឹងឯកឧត្តម Le Duc Anh សម្រាននៅសុគតិភពជារៀងរហូត។

ឯកឧត្តមឧបនាយករដ្ឋមន្រ្តី ប្រាក់ សុខុន រដ្ឋមន្រ្តីការបរទេសនិងសហប្រតិបត្តិការអន្តរជាតិកម្ពុជាចូលគោរពវិញ្ញាណក្ខន្ធសពអតីតប្រធានរដ្ឋ លោកនាយឧត្ដមសេនីយ៍ Le Duc Anh (រូបថត៖ vnanet.vn)

អញ្ជើញមកចូលរួមគោរពវិញ្ញាណក្ខ័ន្ធលោកអតីតប្រធានរដ្ឋវៀតណាម Le Duc Anh នៅមានវត្តមានរបស់ថ្នាក់ដឹកនាំប្រទេសកម្ពុជាជាច្រើន និងតំណាងក្រសួង ស្ថាប័ននៃប្រទេសកម្ពុជា តំណាងស្ថានទូតបរទេសប្រចាំនៅភ្នំពេញផងដែរ៕

បកប្រែដោយ Thanh Cong