រៀបចំដើមទុនសំរាប់គម្រោងចាំបាច់ដើម្បីពុះពារគ្រោះរាំងស្ងួត និងការជ្រាបទឹកប្រៃ
កប.អនឡាញ - ទីស្តីការរដ្ឋាភិបាលទើបប្រកាសថា លោកនាយករដ្ឋមន្ត្រីវៀតណាម Nguyen Xuan Phuc ឯកភាពអនុញ្ញាតឲ្យធ្វើការបុរេប្រទានក្នុងទឹកប្រាក់ ២,០៥០ ពាន់លាន ដុង ពីចំណូលលក់ភាគហ៊ុនរដ្ឋនៅ សហគ្រាស មួយចំនួនក្នុងឆ្នាំ២០១៥ ដើម្បី ជួយឧបត្ថម្ភដល់ក្រសួង កសិកម្ម និងអភិវឌ្ឍន៍ជនបទ ព្រមទាំងតំបន់មូលដ្ឋានអាចអនុវត្តគម្រោង សំខាន់ៗក្នុងការដោះស្រាយបញ្ហាគ្រោះរាំងស្ងួត និងការជ្រាបទឹកប្រៃក្នុង ឆ្នាំ២០១៦។
លោកនាយករដ្ឋមន្ត្រី បានស្នើឲ្យក្រសួងផែនការនិងវិនិយោគ ទទួលបន្ទុកចំពោះភាពត្រឹមត្រូវនៃព័ត៌មានក្នុងគម្រោងនេះ ទន្ទឹមនេះ បញ្ជាណែនាំតំបន់មូលដ្ឋានទាំងអស់ត្រូវអនុវត្តតាមបែបបទវិនិយោគ ដែលបានចែងក្នុងច្បាប់វិនិយោគ និងអនុក្រិតលេខ ១៣៦/២០១៥/ND-CP ចុះថ្ងៃទី៣១ ធ្នូរ ឆ្នាំ ២០១៥។ ក្រសួង កសិកម្ម និងអភិវឌ្ឍន៍ ជនបទ គណៈកម្មាធិការប្រជាជនបណ្តាខេត្ត ក្រុង ដែលទទួលជំនួយឧបត្ថម្ភពីដើមទុននេះ ត្រូវតែបំពេញបែបបទវិនិយោគឲ្យស្របតាមការកំណត់ ព្រមទាំងទទួលខុសត្រូវលើការគ្រប់គ្រង ប្រើប្រាស់ដើមទុន ប្រកបដោយមានតម្លាភាព និងប្រសិទ្ធិភាព។
ប្រភពដើមទុនវិនិយោគត្រូវធានាត្រឹមត្រូវនិងប្រសិទ្ធភាព
បកប្រែដោយ Van Hoa