កិច្ចប្រជុំកំពូលសហរដ្ឋអាមេរិក- កូរ៉េខាងជើង មិនឈាន់ដល់ការព្រមព្រៀងណាមួយឡើយ
កប.អនឡាញ - មិនមានការព្រមព្រៀងណាមួយត្រូវបានចុះហត្ថលេខាបន្ទាប់ពីជំនួបកំពូលរវាងប្រធានាធិបតីសហរដ្ឋអាមេរិក លោក ដូណាល់ ត្រាំ និងមេដឹកនាំកូរ៉េខាងជើង លោកគីមជុងអ៊ុន ដែលប្រព្រឹត្តទៅនៅថ្ងៃទី ២៨ ខែកុម្ភៈ នៅសណ្ឋាគារ Metropole ទីក្រុងហាណូយ។ គណៈប្រតិភូទាំងពីរបានចាកចេញពីទីកន្លែងប្រជុំមុនពេលគ្រោងទុក ហើយកម្មវិធីទទួលទានអាហារថ្ងៃត្រង់ដែលបានគ្រោងទុករវាងប្រធានាធិបតីសហរដ្ឋអាមេរិក លោក ដូណាល់ ត្រាំ និងមេដឹកនាំកូរ៉េខាងជើង លោក គីម ជុងអ៊ុន ត្រូវលុបចោលភ្លាមៗ។