បង្កើនប្រសិទ្ធភាពក្នុងការស្វែងរក ប្រមូល និងកំណត់អត្តសញ្ញាណអដ្ឋិធាតុយុទ្ធជនពលី

សន្និសីទស្តីពីលទ្ធផលនៃការស្វែងរក ប្រមូល និងកំណត់អត្តសញ្ញាណអដ្ឋិធាតុយុទ្ធជនពលី ដែលមិនមានព័ត៌មាននៅឆ្នាំ ២០២០ និងកំណត់ទិសដៅ ភារកិច្ចសំខាន់ៗនៅឆ្នាំ ២០២១ (រូបថត៖ baochinhphu.vn)

នៅឆ្នាំ ២០២០ នេះ ការរីករាលដាលនៃជំងឺរាតត្បាត Covid-19 និងស្ថានភាពខ្យល់ព្យុះ និងទឹកជំនន់នៅភាគកណ្តាលវៀតណាម បានជះឥទ្ធិពលអវិជ្ជមានដល់ការស្វែងរក ការប្រមូល និងកំណត់អត្តសញ្ញាណអដ្ឋិធាតុយុទ្ធជនពលី។ ប៉ុន្តែគណៈកម្មាធិការបញ្ជាណែនាំជាតិលេខ ៥១៥ បានសហការយ៉ាងជិតស្និទ្ធជាមួយក្រសួង ស្ថាប័ន និងមូលដ្ឋាននានាដើម្បីលើកកម្ពស់ប្រសិទ្ធភាពក្នុងការស្វែងរក ប្រមូល និងកំណត់អត្តសញ្ញាណអដ្ឋិធាតុយុទ្ធជនពលី ហើយសម្រេចបានលទ្ធផលវិជ្ជមានជាច្រើន។ ក្នុងឆ្នាំកន្លងមក ក្រុមរុករកបានស្វែងរក និងប្រមូលអដ្ឋិធាតុយុទ្ធជនពលីចំនួន ១,៥០០ អដ្ឋិធាតុ។

ស្តីពីទិសដៅ និងភារកិច្ចសំខាន់ៗសម្រាប់ឆ្នាំ ២០២១ លោកឧត្តមសេនីយ៍ឯក Le Chiem អនុរដ្ឋមន្រ្តីក្រសួងការពារប្រទេសវៀតណាម បានដាក់ចេញនូវគោលដៅស្វែងរក និងប្រមូលអដ្ឋិធាតុយុទ្ធជនពលីចំនួន ១,៥០០ និងបញ្ចប់ការកំណត់អត្តសញ្ញាណអដ្ឋិធាតុយុទ្ធជនពលីដែលមិនមានព័ត៌មាន នៅក្នុងទីបញ្ចុះសពយុទ្ធជនពលីខេត្ត Dak Lak ។ល៕

បកប្រែដោយ Huyen Trang