មហោស្រពកាំជ្រួចអន្តរជាតិ Da Nang ឆ្នាំ២០២៤ ប្រព្រឹត្តទៅនៅខែមិថុនា
កប.អនឡាញ - នារសៀលថ្ងៃទី ២៩ ខែមីនា គណៈកម្មាធិការប្រជាជនទីក្រុង Da Nang បានចេញផែនការរៀបចំមហោស្រពកាំជ្រួចអន្តរជាតិ Da Nang - DIFF 2024 ក្រោមប្រធានបទ "Made in Unity - ការតភ្ជាប់សកល - ពន្លឺចែងចាំងទ្វីបទាំងប្រាំ"។
តាមគម្រោង DIFF 2024 នឹងប្រព្រឹត្តទៅចាប់ពីថ្ងៃទី ៨ ខែមិថុនា ដល់ថ្ងៃទី ១៣ ខែកក្កដានៅឆាកកាំជ្រួចតាមទន្លេ Han ដោយមានការចូលរួមពីក្រុមបាញ់កាំជ្រួចចំនួន ៨ ក្រុម រួមទាំងក្រុមអន្តរជាតិចំនួន ៧ (បារាំង អ៊ីតាលី អាមេរិក អាល្លឺម៉ង់ ប៉ូឡូញ ចិន ហ្វាំងឡង់) និងក្រុមតំណាងវៀតណាមមកពីទីក្រុង Da Nang។
DIFF 2024 ជាព្រឹត្តិការណ៍ប្រារព្ធខួបលើកទី ១២ នៃការរៀបចំដោយជោគជ័យ និងត្រូវបានមិត្តភក្តិនៅទ្វីបទាំង ៥ ចូលចិត្ត។ ប្រធានបទនៅឆ្នាំនេះក៏បង្ហាញពីសារអំពីពិភពលោកប្រកបដោយសន្តិភាព មិត្តភាព មនុស្សាស្ត្រ។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/03/30/upload_2118/da-nang.jpg?dpi=150&quality=100&w=500) |
DIFF 2024 នឹងប្រព្រឹត្តទៅនៅច្រាំងទន្លេ Han ទីក្រុង Da Nang |
តាមនោះ រាត្រីបើក DIFF 2024 នឹងប្រព្រឹត្តទៅនៅល្ងាចថ្ងៃទី ៨ មិថុនា និងមានការប្រកួតបើកឆាករវាងក្រុមវៀតណាម និងក្រុមបារាំងដែលជាក្រុមជើងឯក DIFF 2023។ បណ្ដាយប់បន្ទាប់មកនឹងប្រកួតរវាងក្រុមអ៊ីតាលី - អាមេរិក (ថ្ងៃទី ១៥ ខែមិថុនា); អាអាល្លឺម៉ង់ - ប៉ូឡូញ (ថ្ងៃទី ២២ ខែមិថុនា); ប្រទេសចិន - ហ្វាំងឡង់ (ថ្ងៃទី ២៩ ខែមិថុនា) ហើយវគ្គផ្តាច់ព្រ័ត្រប្រព្រឹត្តទៅនៅថ្ងៃទី ១៣ ខែកក្កដា។ ក្រុមទាំងឡាយនឹងមានរយៈពេលពី ២០ ដល់ ២២ នាទីដើម្បីសម្តែង។
ឆ្នាំនេះ ក្រុមឈ្នះជ័យលាភីនឹងទទួលបាន ២០,០០០ ដុល្លារអាមេរិក ពានរង្វាន់មួយ និងវិញ្ញាបនបត្រមួយ។ ក្រុមចំណាត់ថ្នាក់លេខ ២ ទទួលបាន ១០,០០០ ដុល្លារ ពានរង្វាន់ និងវិញ្ញាបនបត្រ។ DIFF 2024 មានបន្ថែមពានរង្វាន់ដែលទទួលបានការពេញចិត្តបំផុតដោយទស្សនិកជន គឺរង្វាន់ ៥,០០០ ដុល្លារ ពានរង្វាន់ និងវិញ្ញាបនបត្រ៕
បកប្រែដោយ Thuy Anh