បទចម្រៀងផ្លូវការរបស់ស៊ីហ្គេមលើកទី ៣២ “Cambodian Pride” មានអ្នកចូលទស្សនាច្រើនបំផុតលើបណ្ដាញសង្គមយូធូប

បទចម្រៀងនេះមាននារីរាំកំដរជិតមួយពាន់នាក់នៅពីក្រោយកំពូលតារាចម្រៀងបួនដួង គឺ ឧកញ៉ា ព្រាប សុវត្ថិ , ឧកញ៉ា ខេមរៈ សិរីមន្ត, លោក ខេម , និងកំពូលតារាចម្រៀងស្រី កញ្ញា តន់ ចន្ទសីម៉ា។ គិត​មក​ដល់​ល្ងាច​ថ្ងៃទី២០ មេសា ២០២៣ បទ​ចម្រៀង​ស៊ីហ្គេម​លើក​ទី ៣២ មាន​អ្នកចូល​ទស្សនា​ជាង ៥០ ​លានលើក​ និងមានការបញ្ចេញមតិជិត ១៥,០០០ នាក់។

បទចម្រៀងស៊ីហ្គេមលើកទី ៣២ "Cambodian Pride"

បទចម្រៀង “Cambodian Pride” ត្រូវបានអ្នកខ្លះចាត់ទុកជាបទចម្រៀងមរតកប្រវត្តិសាស្ត្រសម្រាប់កម្ពុជា នៅឆ្នាំ ២០២៣។ នៅលើបណ្ដាញសង្គម ទស្សនិកជនជាច្រើនសរសើរថា បទចម្រៀងនេះងាយស្រួលស្ដាប់ សប្បាយរីករាយ ហើយអត្ថន័យ និងទិដ្ឋភាពពោរពេញដោយលក្ខណៈវប្បធម៌ខ្មែរ។

នៅក្នុង MV នេះ ម្ចាស់ផ្ទះស៊ីហ្គេមលើកទី ៣២ ក៏បង្ហាញទិដ្ឋភាពមួយចំនួនស្ដីពីពហុកីឡដ្ឋានជាតិមរតកតេជោ រួមនឹងអង្គវត្ត ស្ពានអ្នកលឿង និងហេដ្ឋារចនាសម្ព័ន្ធ ក៏ដូចជាម្ហូបអាហារពិសេសរបស់កម្ពុជាមួយចំនួនផ្សេងទៀត។ រូបភាពនៃវិស័យមួយចំនួនក្នុងនោះមានទាំងកីឡាគុនខ្មែរក៏ត្រូវបានលើកយកមកបង្ហាញ។

ព្រឹត្តិការណ៍ប្រកួតកីឡាអាស៊ីអាគ្នេយ៍លើកទី ៣២ ដែលកម្ពុជាធ្វើជាម្ចាស់ផ្ទះនឹងប្រព្រឹត្តទៅចាប់ពីថ្ងៃទី ០៥ ដល់ ១៧ ឧសភា ២០២៣។ ពិធីបើកការប្រកួតនឹងធ្វើឡើងនៅថ្ងៃទី ០៥ ឧសភា ក្នុងពហុកីឡដ្ឋានជាតិមរតកតេជោ៕

បកប្រែដោយ Pham Diep