ពានរង្វាន់នេះត្រូវបានរៀបចំឡើងតាមកិច្ចព្រមព្រៀងសហប្រតិបត្តិការរវាងសមាគម Pickleball សហរដ្ឋអាមេរិក (UPA) សហព័ន្ធ Pickleball ទីក្រុង Da Nang (DPF) និងក្រុមហ៊ុនដៃគូមួយចំនួន។ PPA Tour គឺជាប្រព័ន្ធប្រកួតអាជីពឈានមុខគេរបស់ពិភពលោកដែលរៀបចំដោយ UPA រួមមានកម្រិតសំខាន់ៗចំនួនបីគឺ PPA Open, PPA Cup និង PPA Slam ដែលស្មើនឹងពានរង្វាន់ Grand Slam ក្នុងកីឡាវាយកូនបាល់។

leftcenterrightdel
សន្និសីទសារព័ត៌មានអំពីពានរង្វាន់ Pickleball អន្តរជាតិ Tour Asia - Vietnam Cup 2025 (រូបថត៖ vnanet.vn)

PPA Tour Asia - Vietnam Cup 2025 ត្រូវបានរៀបចំឡើងជាលើកដំបូងនៅប្រទេសវៀតណាម ដែលត្រូវបានចាត់ទុកថាជាការប្រកួត Pickleball ដ៏ធំបំផុតនៅអាស៊ី ទាំងតម្លៃរង្វាន់ ចំនួនកីឡាករ និងទស្សនិកជនដែលចូលរួម។ ការប្រកួតឆ្នាំនេះមានតម្លៃរង្វាន់សរុប ១៥០,០០០ ដុល្លារអាមេរិក ដោយមានការចូលរួមពីកីឡាករអាជីពជាង ១២០ នាក់ និងកីឡាករស្ម័គ្រចិត្តប្រមាណ ១,០០០ នាក់មកពីប្រទេសវៀតណាម និងប្រទេសជាច្រើនជុំវិញពិភពលោក៕

បកប្រែដោយ Thuy Anh