លោកនាយករដ្ឋមន្ត្រីបានជួបសំណេះសំណាល និងផ្តល់រង្វាន់ដល់ក្រុមបាល់ទាត់វៀតណាម

បើតាមលោកនាយករដ្ឋមន្ត្រី មិនត្រឹមតែឈ្នះជើងឯកប៉ុណ្ណោះទេ ក្រុម និងកីឡាករបានបង្ហាញចំណាប់អារម្មណ៍ពិសេស និងគួរឲ្យកត់សម្គាល់។ វាជាលើកដំបូងដែលនាំយកពានរង្វាន់ជើងឯកពីបរទេសមកប្រទេសកំណើត។ បានបញ្ចប់ការប្រកួតដោយឈ្នះ ៧ លើក ស្មើ ១ លើក និងគ្មានចាញ់ក្នុងព្រឹត្តិការណ៍ ASEAN Cup ដោយស៊ុតបញ្ចូលទីបាន ២១ គ្រាប់ ដែលជាសមិទ្ធិផលល្អបំផុតក្នុងប្រវត្តិសាស្ត្រនៃការប្រកួត។ នេះក៏ជាលើកទីមួយដែរដែលវៀតណាមមានកីឡាករឈ្នះទាំងពាន "កំពូលអ្នកស៊ុតបញ្ចូលទី" និង "កីឡាករល្អបំផុត" ទៅលើកីឡាករ Nguyen Xuan Son; អ្នកចាំទី Dinh Trieu ក៏ទទួលបានពានរង្វាន់ “អ្នកចាំទីល្អបំផុត” ផងដែរ។

ទិដ្ឋភាពនៃជំនួប

ក្នុងនាមថ្នាក់ដឹកនាំបក្ស និងរដ្ឋ លោកនាយករដ្ឋមន្ត្រីបានប្រគល់គ្រឿងឥស្សរិយយសថ្នាក់ទី១ ដល់ក្រុមបាល់ទាត់ជម្រើសជាតិ; ប្រគល់គ្រឿងឥស្សរិយយសថ្នាក់ទី៣ ដល់បុគ្គលចំនួន៦ រូបនៃក្រុមដែលប្រកួតល្អក្នុងព្រឹត្តិការណ៍ ASEAN Cup ឆ្នាំ២០២៤ រួមមាន៖ Nguyen Xuan Son, Do Duy Manh, Nguyen Quang Hai, Nguyen Tien Linh, Nguyen Hoang Duc, Nguyen Dinh Trieu។

លោកនាយករដ្ឋមន្ត្រីបានសម្រេចចិត្ត និងប្រគល់ប័ណ្ណសរសើរ ជូនចំពោះកីឡាករនៃក្រុមបាល់ទាត់ជម្រើសជាតិទាំង២៩ រូប ដែលប្រកួតបានល្អ ឈ្នះជើងឯក ASEAN Cup 2024។

លោកនាយករដ្ឋមន្ត្រីបានប្រគល់គ្រឿងឥស្សរិយយសថ្នាក់ទី១ ដល់ក្រុមបាល់ទាត់ជម្រើសជាតិ; ប្រគល់គ្រឿងឥស្សរិយយសថ្នាក់ទី៣ ដល់បុគ្គលចំនួន៦រូបនៃក្រុមដែលប្រកួតល្អក្នុងព្រឹត្តិការណ៍ ASEAN Cup ឆ្នាំ២០២៤

លោកនាយករដ្ឋមន្ត្រី Pham Minh Chinh ជាមួយប្រតិភូ និងក្រុមបាល់ទាត់ជម្រើសជាតិ​វៀត​ណាម​

ក្នុងជំនួបនេះ គណៈកម្មាធិការគ្រប់គ្រងដើមទុនរដ្ឋនៅសហគ្រាសបានរៃអង្គាស និងផ្តល់រង្វាន់ដល់ក្រុមបាល់ទាត់បាល់ទាត់ជម្រើសជាតិចំនួន ៥ ពាន់លានដុង; ក្រុមហ៊ុនសាជីវកម្មប្រេងជាតិវៀតណាម ក្រុមហ៊ុនសាជីវកម្មឧស្សាហកម្ម-ទូរគមនាគមន៍យោធា និង VPBank អង្គភាពនីយមួយៗបានផ្តល់ថវិកាចំនួន ២ ពាន់លានដុងដល់ក្រុម៕

បកប្រែដោយ Duy Hoan