សម្រស់ផ្កាសាគូរ៉ានៅតំបន់ទេសចរណ៍ Sa Pa

២០ មករា ២០២២ (17:09)

កប.អនឡាញ - អ្នកទេសចរជាច្រើនចូលចិត្តមកកម្សាន្ត Sa Pa (ខេត្ដ Lao Cai) នៅចុងឆ្នាំដើម្បីទស្សនាទេសភាពដ៏ស្រស់ស្អាតដូចជា ពពក និងព្រិល។ មកដល់ Sa Pa ក្នុងឱកាសនេះ អ្នកទេសចរជាច្រើនមានការភ្ញាក់ផ្អើលចំពោះភាពស្រស់ស្អាតនៃវាលផ្កាសាគូរ៉ារីកស្គុសស្គាយដែលលាតសន្ធឹងល្វឹងល្វើយឆ្ងាយដាច់កន្ទុយភ្នែក។

ឆ្នាំនេះ ផ្កាសាគូរ៉ារីកស្គុសស្គាយពេញតំបន់ទេសចរណ៍ Ham Rong ឧទ្យានជាតិ Hoang Lien តំបន់ទេសចរណ៍ Sun World Fansipan Legend ឬ ផ្លូវជុំវិញតំបន់បឹងកណ្តាលនៃទីរួមខេត្ដ។ ក្រឡេកមើលពីខាងលើចុះ រូបភាពផ្កាសាគូរ៉ាប្រៀបដូចនឹងកន្សែងដែលគ្របដណ្តប់លើចំការតែបៃតងខ្ចីហាក់ដូចជាកំពុងទទួលស្វាគមន៍និទាឃរដូវ។