ពូនជ្រំសាមគ្គីភាព និងមិត្តភាពតាមរយៈ “ទិវាវប្បធម៌ស្លូវ៉ាគី”

ព្រឹត្តិការណ៍ “ទិវាវប្បធម៌ស្លូវ៉ាគី” នៅទីក្រុងហូជីមិញ រួមមានការតាំងពិព័រណ៍ “Party ក្នុងសតវត្សរ៍ទី២១” ដែលជាគម្រោងសិល្បៈពិសេសមួយដែលបង្ហាញស្នាដៃចំនួន ៥៨ អំពី Party ប្រពៃណីនៃតំបន់ផ្សេងៗគ្នារបស់ប្រទេសស្លូវ៉ាគី (Party គឺជាប្រភេទក្រមាដែលប្រើដោយក្មេងស្រីស្លូវ៉ាគីពេញវ័យដែលមិនទាន់រៀបការនៅសតវត្សរ៍ទី១៩-២០ ហើយត្រូវបានពាក់ដោយកូនក្រមុំនៅក្នុងពិធីមង្គលការ)។ ទន្ទឹមនឹងនោះ “ទិវាវប្បធម៌ស្លូវ៉ាគី” នៅទីក្រុងហូជីមិញក៏កម្មវិធីប្រគុំតន្ត្រី ដែលសម្តែងដោយវិចិត្រករ Igor Kucer វិចិត្រករល្ខោនអូប៉េរ៉ាស្លូវ៉ាគីដ៏ល្បីល្បាញម្នាក់។

ទស្សនិកជនទីក្រុងហូជីមិញថតរូបជាមួយវិចិត្រករស្លូវ៉ាគី (រូបថត៖ vnanet.vn)

លោក Marian Veres ភារធារីនៃប្រទេសស្លូវ៉ាគីប្រចាំនៅប្រទេសវៀតណាម បានឲ្យដឹងថា ស្ថានទូតស្លូវ៉ាគីប្រចាំនៅប្រទេសវៀតណាមសង្ឃឹមថា “ទិវាវប្បធម៌ស្លូវ៉ាគី” នឹងបង្ហាញដល់សាធារណជនវៀតណាមអំពីលក្ខណៈពិសេសនៃវប្បធម៌ប្រពៃណីរបស់ប្រទេសស្លូវ៉ាគី តាមរយៈនោះបង្កើនការយល់ដឹង និងពូនជ្រំសាមគ្គីភាព និងមិត្តភាពរវាងប្រជាជនស្លូវ៉ាគី និងប្រជាជនវៀតណាម៕

បកប្រែដោយ Thuy Anh