ទីក្រុង Hai Phong បើកដំណើរកំសាន្ដរាត្រីឌីជីថលជាលើកដំបូង “ភាពដ៏ពិសិដ្ឋរបស់ប្រាសាទ Hang Kenh”
កប.អនឡាញ - នារសៀលថ្ងៃទី២ មិថុនា មន្ទីរវប្បធម៌ កីឡា និងទេសចរណ៍ទីក្រុង Hai Phong បានជូនដំណឹងអំពីកម្មវិធីដំណើរកម្សាន្តរាត្រី “ភាពដ៏ពិសិដ្ឋរបស់ប្រាសាទ Hang Kenh” ដោយការអនុវត្តបច្ចេកវិទ្យាឌីជីថល ៤.០ រួមផ្សំនឹងការបង្ហាញ 3D mapping។
“ភាពដ៏ពិសិដ្ឋរបស់ប្រាសាទ Hang Kenh” គឺជាដំណើរកម្សាន្ត ទស្សនា និងសាកល្បងបទពិសោធន៍វប្បធម៌ និងសិល្បៈនៅកេរ្ដិ៍ដំណែលស្ថាបត្យកម្ម និងសិល្បៈជាតិប្រាសាទ Hang Kenh ដែលជាទីតាំងគោរពបូជាស្ដេច Ngo Quyen។
    |
 |
|
សកម្មភាពជាច្រើននៅប្រាសាទ Hang Kenh (ទីក្រុង Hai Phong) ក្នុងឱកាសថ្ងៃយាងសោយទីវង្គតរបស់ស្ដេច Ngo Quyen |
ដំណើរកម្សាន្តគ្រោងនឹងប្រព្រឹត្តទៅចាប់ពីម៉ោង ៧ ដល់ម៉ោង ៩យប់ រៀងរាល់ចុងសប្តាហ៍ ចាប់ពីចុងខែមិថុនា ដែលមានសកម្មភាពទាក់ទាញជាច្រើនដូចជា៖ ឧទ្ទេសនាមដំណើរកំសាន្ដ ទស្សនាកម្មវិធីសំដែងអាយ៉ងទឹក អុជធូប សម្តែងសិល្បៈប្រពៃណី បទពិសោធន៍ធ្វើម្ហូបនិងធ្វើសិប្បកម្ម...
នេះជាផលិតផលដំណើរកំសាន្ដរាត្រីដំបូងគេរបស់ទីក្រុង Hai Phong ដោយអនុវត្តបច្ចេកវិទ្យាឌីជីថលទំនើបទៅក្នុងលំហបេតិកភណ្ឌ ដែលនឹងក្លាយជាចំណុចលេចធ្លោថ្មីក្នុងរដូវទេសចរណ៍ឆ្នាំនេះ៕
បកប្រែដោយ Pham Diep