ពិធីបុណ្យផ្លាស់ប្តូរវប្បធម៌អន្តរជាតិឆ្នាំ២០២៥
កប.អនឡាញ - នាព្រឹកថ្ងៃទី ៣១ ខែឧសភា នៅសាកលវិទ្យាល័យពហុបច្ចេកទេសហាណូយ ពិធីបុណ្យផ្លាស់ប្តូរវប្បធម៌អន្តរជាតិឆ្នាំ២០២៥ បានប្រព្រឹត្តទៅដោយមានការចូលរួមពីនិស្សិតជាច្រើននៃសាកលវិទ្យាល័យពហុបច្ចេកទេសហាណូយ និស្សិតបរទេសដែលកំពុងសិក្សានៅសាកលវិទ្យាល័យពហុបច្ចេកទេសហាណូយ តំណាងមជ្ឈមណ្ឌលធ្វើតេស្តភាសាបរទេស និងផ្លាស់ប្តូរវប្បធម៌ តំណាងស្ថានទូតជប៉ុន ឥណ្ឌា អាល្លឺម៉ង់ បែលហ្ស៊ិក។
ក្នុងពិធីបុណ្យនេះ លោកសាស្រ្តាចារ្យ បណ្ឌិត Vu Van Yem នាយករងសាកលវិទ្យាល័យពហុបច្ចេកទេសហាណូយ បានចែករំលែកថា នេះជាព្រឹត្តិការណ៍ដែលប្រារព្ធឡើងជារៀងរាល់ឆ្នាំនៅសាកលវិទ្យាល័យពហុបច្ចេកទេសហាណូយ។
ព្រឹត្តិការណ៍ឆ្នាំនេះប្រព្រឹត្តទៅចាប់ពីថ្ងៃទី ១៩ ដល់ថ្ងៃទី ៣១ ខែឧសភា ដោយមានសកម្មភាពជាច្រើនដូចជា៖ ការចូលរួមពិធីលៀងតែបែបជប៉ុន ការបង្ហាញតែវៀតណាម សិក្ខាសាលាវិទ្យាសាស្ត្រ ក៏ដូចជាការផ្លាស់ប្តូរវប្បធម៌រវាងប្រទេសទាំងឡាយដែលចូលរួមពិធី។ល។ តាមរយៈព្រឹត្តិការណ៍នេះ សាកលវិទ្យាល័យពហុបច្ចេកទេសហាណូយ សង្ឃឹមថានឹងបង្កើតការតភ្ជាប់រវាងនិស្សិតវៀតណាម ជាមួយនិស្សិតបរទេស៕
បកប្រែដោយ Thuy Anh