វៀតណាមជាគោលដៅពិសេសមួយដែលទាក់ទាញភ្ញៀវទេសចរឥណ្ឌា

តាមការស្ថិតិ ការកក់ចូលមកធ្វើដំណើរនៅវៀតណាមរបស់ក្រុមហ៊ុនទេសចរណ៍ឥណ្ឌាមួយចំនួននៅឆ្នាំនេះបានកើនឡើង ៥០០% បើធៀបនឹងឆ្នាំ ២០១៩ ហើយក្រុមហ៊ុនទេសចរណ៍ និងដឹកជញ្ជូនកំពុងស្វែងរកការផ្តល់នូវជម្រើសកាន់តែច្រើន ក៏ដូចជាការបង្កើនសមត្ថភាពផងដែរ។

អត្ថបទនៅលើគេហទំព័រ economictimes (រូបថតអេក្រង់)

លោក Rajeev Kale មន្ត្រីនៃសាជីវកម្ម Thomas Cook (សាខាឥណ្ឌា) បានឲ្យដឹងថា ចំនួនភ្ញៀវទេសចរពីប្រទេសឥណ្ឌាទៅកាន់ប្រទេសវៀតណាមបានកើនឡើងរហូតដល់ ៥០០% ប្រហែលជាដោយសារតែការធ្វើឱ្យប្រសើរឡើងនូវការតភ្ជាប់ជើងហោះហើរ និងការធ្វើដំណើរដោយរលូនអាស្រ័យដោយទិដ្ឋាការអេឡិចត្រូនិច និងផលប៉ះពាល់នៃប្រព័ន្ធផ្សព្វផ្សាយសង្គម។ គួររំលឹកផងដែរថា វៀតណាមបានទាក់ទាញក្រុមភ្ញៀវទេសចរជាច្រើនក្រុមផ្សេងៗគ្នា ក្នុងនោះមានគ្រួសារជាច្រើន រួមទាំងមនុស្សច្រើនជំនាន់ មនុស្សវ័យចំណាស់ គូស្នេហ៍ និងក្រុមមិត្តភ័ក្តិ។ល។

លោក Raj Rishi Singh នាយកទីផ្សារ និងជានាយកផ្នែកលក់នៃក្រុមហ៊ុន MakeMyTrip បានឲ្យដឹងថា ក្នុងឆ្នាំកន្លងទៅ ការស្វែងរកអំពីវៀតណាមបានកើនឡើង ១៧%។ យោងតាមលោក ការចំណាយនៅក្នុងប្រទេសវៀតណាម រួមជាមួយនឹងបទប្បញ្ញត្តិលើកលែងទិដ្ឋាការ និងការកើនឡើងនៃចំនួនជើងហោះហើរត្រង់ពីប្រទេសឥណ្ឌា កំពុងជំរុញកំណើនភ្ញៀវទេសចរឥណ្ឌាទៅកាន់ប្រទេសវៀតណាម។

លោក SD Nandakumar ប្រធានក្រុមហ៊ុនទេសចរណ៍ SOTC Travel បានសង្កត់ធ្ងន់ថា វៀតណាមផ្តល់ជូនភ្ញៀវទេសចរឥណ្ឌានូវចំណាប់អារម្មណ៍គួរឱ្យទាក់ទាញអំពីវប្បធម៌ ប្រវត្តិសាស្ត្រ ម្ហូបអាហារ ទេសភាពស្រស់ស្អាត និងទំនិញសម្បូរបែបរបស់ខ្លួន៕

បកប្រែដោយ Huyen Trang