ឱកាសផ្សព្វផ្សាយទេសចរណ៍ Ninh Binh ទៅកាន់ទីផ្សារឥណ្ឌា និងអាស៊ីខាងត្បូង
កប.អនឡាញ - ខេត្ត Ninh Binh បានកំណត់តំបន់អាស៊ីខាងត្បូង ជាពិសេសប្រទេសឥណ្ឌាជាទីផ្សារដ៏ធំ និងសក្តានុពល ដោយសន្យាថានឹងអភិវឌ្ឍយ៉ាងឆាប់រហ័សនាពេលខាងមុខ។
តាមគម្រោងថា នាសប្តាហ៍ក្រោយ វៀតណាមនឹងស្វាគមន៍ក្រុមភ្ញៀវទេសចរណ៍ឥណ្ឌាប្រមាណ ៤.៥០០ នាក់ ដែលក្នុងនោះ Trang An - Ninh Binh ជាគោលដៅដែលត្រូវបានជ្រើសរើស រួមជាមួយទីក្រុងហាណូយ និងខេត្ត Quang Ninh។ ផ្នែកទេសចរណ៍ខេត្ត Ninh Binh បានកំណត់ថា នេះគឺជាក្រុមភ្ញៀវដ៏ធំ និងសំខាន់ខ្លាំងណាស់ ទន្ទឹមនឹងនោះ នេះជាឱកាសដើម្បីផ្សព្វផ្សាយទេសចរណ៍ និងរូបភាពនៃតំបន់បេតិកភណ្ឌពិភពលោក Trang An ទៅកាន់ទីផ្សារឥណ្ឌា និងអាស៊ីខាងត្បូង។
|
|
ភ្ញៀវទេសចរមកទស្សនាតំបន់អេកូទេសចរណ៍ Trang An នាថ្ងៃចុងក្រោយនៃខែសីហា ឆ្នាំ ២០២៤ (រូបថត៖ vnanet.vn) |
តាមគម្រោង ភ្ញៀវទេសចរមួយក្រុមមកពីប្រទេសឥណ្ឌានឹងទៅទស្សនាតំបន់អេកូទេសចរណ៍ Trang An នៃបេតិកភណ្ឌពិភពលោកតំបន់រមណីយដ្ឋាន Trang An ចាប់ពីថ្ងៃទី ២៨ ខែសីហាដល់ថ្ងៃទី ៥ ខែកញ្ញា។ មន្ទីរទេសចរណ៍ខេត្ត Ninh Binh បានសម្របសម្រួលជាមួយក្រុមហ៊ុន Vietravel ដើម្បីរៀបចំស្វាគមន៍ និងបម្រើក្រុមដោយហ្មត់ចត់បំផុត។
ខេត្ត Ninh Binh បានកំណត់តំបន់អាស៊ីខាងត្បូង ជាពិសេសប្រទេសឥណ្ឌាជាទីផ្សារដ៏ធំ និងសក្តានុពល ដោយសន្យាថានឹងអភិវឌ្ឍយ៉ាងឆាប់រហ័សនាពេលខាងមុខ។ តាមរយៈការស្វាគមន៍ភ្ញៀវលើកនេះ ផ្នែកទេសចរណ៍ Ninh Binh សង្ឃឹមថានឹងទទួលបានការវាយតម្លៃខ្ពស់ពីអាជីវកម្មទេសចរណ៍ ភ្ញៀវទេសចរឥណ្ឌា និងអាស៊ីខាងត្បូង ពេលមកកាន់ប្រទេសវៀតណាម និងខេត្ត។
បកប្រែដោយ Duy Hoan