ឧទ្យានភូគព្ភសាស្ត្រ Lang Son ត្រូវបានទទួលស្គាល់ថា ជាឧទ្យានភូគព្ភសាស្ត្រសកលរបស់អង្គការយូណេស្កូ

ឧទ្យានភូគព្ភសាស្ត្រ Lang Son ត្រូវបានបង្កើតឡើងក្នុងឆ្នាំ ២០២១ ជាមួយនឹងប្រព័ន្ធបេតិកភណ្ឌភូគព្ភសាស្ត្រសម្បូរបែប និងចម្រុះ (រូបថត៖ vnanet.vn)

ឧទ្យានភូគព្ភសាស្ត្រ Lang Son គ្របដណ្តប់ស្រុក និងទីក្រុងចំនួន ៨ នៃខេត្ត Lang Son ដែលមានផ្ទៃដីសរុប ៤,៨៤២.៥៨ គីឡូម៉ែត្រក្រឡា និងប្រជាជនជិត ៦២៧,០០០ នាក់ដែលត្រូវនឹងប្រមាណ ៥៨% នៃផ្ទៃដី និង ៧៨% នៃប្រជាជនខេត្តទាំងមូល រួមទាំងកន្លែងទស្សនាចំនួន ៣៨ នៅលើខ្សែទេសចរណ៍ចំនួន ៤ រួមមាន៖ "ស្វែងយល់ពីពិភពឋានសួគ៌", "ដំណើរទៅកាន់ឋានសួគ៌", "ជីវិតសាមញ្ញនៅលើផែនដី", "ផ្លូវទៅកាន់អាងចិញ្ចឹមត្រី"។ ការដែលទទួលស្គាល់ឧទ្យានភូគព្ភសាស្ត្រ Lang Son ជាឧទ្យានភូគព្ភសាស្ត្រសកលរបស់អង្គការយូណេស្កូ នឹងជួយឱ្យខេត្ត Lang Son មានកម្លាំងចលករ និងឱកាសបន្ថែមទៀតក្នុងការផ្តោតលើធនធាន ដើម្បីពង្រឹង និងលើកកម្ពស់ការគ្រប់គ្រង អភិរក្ស និងលើកកម្ពស់តម្លៃបេតិកភណ្ឌភូគព្ភសាស្ត្រ បេតិកភណ្ឌវប្បធម៌ ប្រវត្តិសាស្ត្រ បុរាណវិទ្យា ជីវចម្រុះ និងរម្មណីយដ្ឋាននៅក្នុងតំបន់៕

បកប្រែដោយ Huyen Trang