វៀតណាមជាប់ចំណាត់ថ្នាក់ទី៣ ក្នុងបញ្ជីគោលដៅទេសចរណ៍អាស៊ីដែលទាក់ទាញភ្ញៀវទេសចរអឺរ៉ុប
កប.អនឡាញ - យោងតាមក្រុមហ៊ុន Agoda គោលដៅទេសចរណ៍ចំនួនបីក្នុងប្រទេសវៀតណាមដែលភ្ញៀវទេសចរអឺរ៉ុបស្វែងរកច្រើនបំផុតគឺទីក្រុងហូជីមិញ ទីក្រុង Hoi An (ខេត្ត Quang Nam) និងទីក្រុង Nha Trang (ខេត្ត Khanh Hoa)។
វៀតណាមជាប់ចំណាត់ថ្នាក់ទី៣ ក្នុងបញ្ជីគោលដៅទេសចរណ៍អាស៊ីដែលទាក់ទាញភ្ញៀវទេសចរអឺរ៉ុបជាងគេ ដោយផ្អែកលើការស្វែងរកកន្លែងស្នាក់នៅ។ ព័ត៌មាននេះត្រូវបានប្រកាសដោយក្រុមហ៊ុន Agoda នៅថ្ងៃទី ២៣ ខែឧសភា។
ក្នុងខែមេសា ម៉ាឡេស៊ីមានចំនួនមនុស្សស្វែងរកកើនឡើង ៨៩%។ ប្រទេសជប៉ុនជាប់ចំណាត់ថ្នាក់ទី២ ដោយមានអត្រាកំណើន ៧១% បើធៀបនឹងឆ្នាំមុន។ ប្រទេសវៀតណាមជាប់ចំណាត់ថ្នាក់ទី ៣ ដោយមានការកើនឡើង ៦៦% ក្នុងការស្វែងរកពីអ្នកទេសចរអឺរ៉ុប។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/05/24/upload_2118/ttxvn-hoi-an-8153.jpg?dpi=150&quality=100&w=500) |
រូបថតឧទាហរណ៍ (រូបថត៖ vnanet.vn) |
លោក Vu Ngoc Lam នាយកក្រុមហ៊ុន Agoda ប្រចាំប្រទេសវៀតណាម បានឲ្យដឹងថា ការកើនឡើងនៃការស្វែងយល់អំពីទេសចរណ៍វៀតណាមនៅឆ្នាំ២០២៤ បង្ហាញពីការកើនឡើងនៃការទាក់ទាញរបស់វៀតណាមចំពោះភ្ញៀវទេសចរអឺរ៉ុប។ ជាពិសេស ភ្ញៀវទេសចរអឺរ៉ុបកាន់តែច្រើនកំពុងជ្រើសរើសប្រទេសវៀតណាមជាគោលដៅវិស្សមកាលរដូវក្តៅរបស់ពួកគេ។
ប្រទេសមួយចំនួននៅអឺរ៉ុបដែលមានចំនួនអ្នកស្វែងយល់អំពីទេសចរណ៍វៀតណាមច្រើនជាងគេក្នុងខែមេសា រួមមានប្រទេសបារាំង អាល្លឺម៉ង់ អង់គ្លេស ហូឡង់ និងអេស្ប៉ាញ។
ក្នុងនោះ គោលដៅទេសចរណ៍ទាំងបីនៅប្រទេសវៀតណាមដែលភ្ញៀវទេសចរអឺរ៉ុបស្វែងរកច្រើនជាងគេគឺទីក្រុងហូជីមិញ ទីក្រុង Hoi An (ខេត្ត Quang Nam) និងទីក្រុង Nha Trang (ខេត្ត Khanh Hoa)។ គោលដៅទេសចរណ៍ទាំងបីនេះក៏ជាជម្រើសដ៏ល្អសម្រាប់ភ្ញៀវទេសចរដែលចង់មានវិស្សមកាលរដូវក្តៅក្នុងរយៈពេលវែងនៅក្នុងប្រទេសវៀតណាមផងដែរ៕
បកប្រែដោយ Thuy Anh