ទទួលស្គាល់បេតិកភណ្ឌវប្បធម៌អរូបីជាតិចំពោះរបរតម្បាញចរបាប់របស់ជនជាតិ Tay នៅខេត្ត Cao Bang
នាថ្ងៃទី ១០ ខែមីនា នៅចំណុចដើមប្រភពទឹកជ្រោះ Le Nin ជាប្រវត្តិសាស្ត្រ ប្រជាជននៅភូមិ Pac Bo ឃុំ Truong Ha ស្រុក Ha Quang ខេត្ត Cao Bang បានរៀបចំពិធីយកទឹកនៅជ្រោះ Le Nin ចាប់ផ្តើមពិធីបុណ្យវិលត្រឡប់មកប្រភពដើម Pac Bo ឆ្នាំ ២០២៤ ។
ក្នុងឱកាសនេះ ខេត្ត Cao Bang ក៏បានទទួលសេចក្តីសម្រេច ប្រកាសបេតិកភណ្ឌវប្បធម៌អរូបីជាតិចំពោះ“របរតម្បាញចរបាប់របស់ជនជាតិ Tay” និងប័ណ្ណរៀបចំណាត់ថ្នាក់កេរ្តិ៍ដំណែលប្រវត្តិសាស្ត្រថ្នាក់ខេត្តសម្រាប់រូងភ្នំ Nguom Gang និងប្រាសាទ Nung Tri Cao ។
|
|
ពិធីទទួលសេចក្តីសម្រេច ប្រកាសបេតិកភណ្ឌវប្បធម៌អរូបីជាតិចំពោះ“របរតម្បាញចរបាប់របស់ជនជាតិ Tay” និងប័ណ្ណរៀបចំណាត់ថ្នាក់កេរ្តិ៍ដំណែលប្រវត្តិសាស្ត្រថ្នាក់ខេត្តសម្រាប់រូងភ្នំ Nguom Gang និងប្រាសាទ Nung Tri Cao ។ រូបថត៖ VOV |
ពិធីយកទឹកនៅដើមប្រភព Pac Bo និងពិធីដង្ហែរទឹកមិនត្រឹមតែបង្ហាញពីប្រពៃណីផឹកទឹកនឹកដល់ប្រភពដើមរបស់ប្រទេសជាតិប៉ុណ្ណោះទេ ថែមទាំងជាលក្ខណៈវប្បធម៌ពោរពេញទៅដោយអត្តសញ្ញាណក្នុងស្រុកទៀតផង។ ពិធីនេះក៏បានជាប់ផ្តើម ពិធីបុណ្យវិលត្រឡប់មកប្រភពដើម Pac Bo ឆ្នាំ ២០២៤ ដោយស្រុក Ha Quang សហការជាមួយមន្ទីរវប្បធម៌ កីឡានិងទេសចរណ៍ខេត្ត Cao Bang រៀបចំឡើងនៅតំបន់កេរ្តិ៍ដំណែលជាតិពិសេស Pac Bo ។
នៅក្នុងពិធីបុណ្យវិលត្រឡប់មកប្រភពដើម Pac Bo ឆ្នាំនេះ គណៈកម្មាធិការប្រជាជនស្រុក Ha Quang ក៏បានរៀបចំការប្រឡងគោនិទាឃរដូវ ; ការរត់ប្រណាំង “វិលត្រឡប់មកប្រភពដើម Pac Bo ” ឆ្នាំ ២០២៤; តាំងបង្ហាញរូបថតវប្បធម៌ជនជាតិ Nung Ven។ លោក Pham Xuan Tung ប្រធានគណៈកម្មាធិការប្រជាជនស្រុក Ha Quang ប្រធានគណៈកម្មការរៀបចំពិធីបុណ្យវិលត្រឡប់មកប្រភពដើម Pac Bo ឆ្នាំ ២០២៤ បានឲ្យដឹងថា៖
“ពិធីបុណ្យវិលត្រឡប់មកប្រភពដើម Pac Bo ឆ្នាំ ២០២៤ មានការចូលរួមយ៉ាងច្រើនកុះករពីប្រជាជននៃបណ្ដាជនជាតិភាគតិចនៅស្រុក Ha Quang និងភ្ញៀវកិត្តិយសមកពីទីក្រុង Xing Xi នៃខេត្ត Guang Xi ប្រទេសចិន។ ពិធីបុណ្យឆ្នាំនេះក៏ទទួលបានការគាំទ្រពីប្រជាជនជាច្រើននាក់ ក្នុងការរៀបចំព្រឹត្តិការណ៍ដ៏មហោឡារិក រួមចំណែករីកសាយភាយនៅទូទាំងស្រុក Ha Quang ក៏ដូចជាខេត្ត Cao Bang ផងដែរ”៕
តាម vovworld.vn