ពិព័រណ៌ពណ៌យ៉ាងសម្បូរបែបនៃវប្បធម៌អាស៊ាន នឹងប្រព្រឹត្តទៅនៅទីក្រុងហាណូយ
កប.អនឡាញ - ក្នុងឱកាសអបអរសាទរខួបលើកទី៥៥ នៃការបង្កើតសមាគមប្រជាជាតិអាស៊ីអាគ្នេយ៍ (ថ្ងៃទី៨ ខែសីហា ឆ្នាំ១៩៦៧-ថ្ងៃទី៨ ខែសីហា ឆ្នាំ២០២២) ក្រសួងវប្បធម៌ កីឡា និងទេសចរណ៍វៀតណាម សហការជាមួយស្ថានទូតនៃបណ្ដាប្រទេសអាស៊ានប្រចាំវៀតណាមបានរៀបចំពិព័រណ៌ពណ៌យ៉ាងសម្បូរបែបនៃវប្បធម៌អាស៊ាន។
ពិព័រណ៌ពណ៌យ៉ាងសម្បូរបែបនៃវប្បធម៌អាស៊ាននឹងប្រព្រឹត្តទៅចាប់ពីព្រឹកថ្ងៃទី ៨ ដល់ថ្ងៃទី ១២ ខែសីហា នៅសារមន្ទីរវិចិត្រសិល្បៈវៀតណាម (លេខ៦៦ ផ្លូវ Nguyen Thai Hoc ទីក្រុងហាណូយ)។
|
|
ពិព័រណ៌ពណ៌យ៉ាងសម្បូរបែបនៃវប្បធម៌អាស៊ាន លើកតម្កើងតម្លៃប្រពៃណី ភាពស្រស់ស្អាតរបស់មនុស្ស និងប្រទេសនីមួយៗក្នុងសហគមន៍អាស៊ាន (រូបថត៖ baoquocte.vn) |
ពិធីបើកពិព័រណ៌នឹងប្រព្រឹត្តទៅនាព្រឹកថ្ងៃទី៨ ខែសីហា ដោយមានការចូលរួមពីថ្នាក់ដឹកនាំក្រសួងវប្បធម៌ កីឡា និងទេសចរណ៍វៀតណាម តំណាងស្ថាប័នវៀតណាមមួយចំនួន និងឯកអគ្គរដ្ឋទូតនៃបណ្ដាប្រទេសអាស៊ានប្រចាំនៅវៀតណាម និងតំណាងមជ្ឈមណ្ឌលវប្បធម៌បរទេសនៅទីក្រុងហាណូយ។ ពិព័រណ៌នឹងបង្ហាញនូវសំលៀកបំពាក់ប្រពៃណី ដែលជាលក្ខណៈពិសេសក្នុងវប្បធម៌អាស៊ាន ជាមួយនឹងរូបភាពទេសភាព វប្បធម៌ ទឹកដី មនុស្ស បេតិកភណ្ឌ និងវត្ថុវប្បធម៌ ក្នុងបំណងចង់ឧទ្ទេសនាមជូនសាធារណជនអំពីវប្បធម៌ចម្រុះ និងសម្បូរបែបរបស់អាស៊ាន។
ពិព័រណ៌ពណ៌យ៉ាងសម្បូរបែបនៃវប្បធម៌អាស៊ាន ក្នុងគោលបំណងលើកតម្កើងតម្លៃប្រពៃណី ភាពស្រស់ស្អាតរបស់មនុស្សនិងប្រទេសនីមួយៗក្នុងសហគមន៍អាស៊ាន ចូលរួមចំណែកពង្រឹងការតភ្ជាប់ សាមគ្គីភាព និងមិត្តភាពរវាងប្រទេសសមាជិកអាស៊ាន និងជាព្រឹត្តិការណ៍វប្បធម៌ពិសេសក្នុងឱកាសអបអរសាទរទិវាអាស៊ានឆ្នាំ ២០២២៕
បកប្រែដោយ Thuy Anh