ពិធីបើកមហោស្រពភាពយន្តអាស៊ី Da Nang លើកទី៣
កប.អនឡាញ - នាយប់ថ្ងៃទី ២៩ ខែមិថុនា នៅវិមានសន្និសីទអន្តរជាតិ Ariyana ទីក្រុង Da Nang ភាគកណ្តាលវៀតណាម សមាគមន៍ជំរុញអភិវឌ្ឍន៍ភាពយន្តវៀតណាម គណៈកម្មាធិការប្រជាជនទីក្រុង Da Nang បានសម្របសម្រួលជាមួយអង្គភាពពាក់ព័ន្ធនានារៀបចំពិធីបើកមហោស្រពភាពយន្តអាស៊ី Da Nang លើកទី ៣ ឆ្នាំ២០២៥ (DANAFF III)។
លោកសាស្ត្រាចារ្យ បណ្ឌិត Nguyen Xuan Thang សមាជិកការិយាល័យនយោបាយ នាយកវិទ្យាស្ថាននយោបាយជាតិហូជីមិញ ប្រធានក្រុមប្រឹក្សាទ្រឹស្ដីមជ្ឈិមបានចូលរួម និងដឹកនាំមហោស្រព។
មានប្រសាសន៍នៅក្នុងពិធីបើក លោកសាស្ត្រាចារ្យ បណ្ឌិត Nguyen Xuan Thang បានចាត់ទុកថា មហោស្រពភាពយន្តអាស៊ី Da Nang លើកទី៣ គឺជាព្រឹត្តិការណ៍សំខាន់ដែលបន្តបង្ហាញពីកិច្ចសន្យាយ៉ាងមុតមាំរបស់វៀតណាម ក្នុងការគោរពភាពចម្រុះវប្បធម៌ លើកកំពស់វិស័យវប្បធម៌ ឧស្សាហកម្មកម្សាន្ត បង្កើនការផ្លាស់ប្តូរ ការយល់ដឹង និងកិច្ចសហប្រតិបត្តិការរវាងវិស័យភាពយន្តក្នុងតំបន់ និងនៅលើពិភពលោក។
    |
 |
ទិដ្ឋភាពនៃពិធីបើកមហោស្រពភាពយន្តអាស៊ី Da Nang លើកទី៣ ឆ្នាំ២០២៥ (រូបថត៖ vnanet.vn) |
មហោស្រពភាពយន្តអាស៊ី Da Nang លើកទី ៣ ឆ្នាំ ២០២៥ ក្រោមប្រធានបទ "DANAFF - ស្ពានតភ្ជាប់អាស៊ី" ប្រព្រឹត្តទៅពីថ្ងៃទី២៩ ខែមិថុនា ដល់ថ្ងៃទី៥ ខែកក្កដា ក្នុងគោលបំណងជ្រើសរើស និងលើកតម្កើងស្នាដៃភាពយន្តដ៏ល្អឥតខ្ចោះ ដែលពោរពេញទៅដោយតម្លៃមនុស្សធម៌ ជាមួយនឹងការរកឃើញថ្មីៗ និងការបង្ហាញពីសិល្បៈដ៏វិសេសវិសាល តភ្ជាប់ និងលើកទឹកចិត្តអ្នកដែលមានទេពកោសល្យថ្មីៗនៅក្នុងវិស័យភាពយន្តវៀតណាម និងតំបន់អាស៊ីប៉ាស៊ីហ្វិក។ ទន្ទឹមនឹងនោះ មហោស្រពណែនាំយ៉ាងទូលំទូលាយដល់សាធារណជននូវស្នាដៃភាពយន្តថ្មីរបស់អាស៊ី និងវៀតណាម រួមចំណែកផ្សព្វផ្សាយរូបភាព Da Nang ជាមជ្ឈមណ្ឌលច្នៃប្រឌិត វប្បធម៌ និងទេសចរណ៍កម្រិតខ្ពស់ក្នុងតំបន់៕
បកប្រែដោយ Huyen Trang