តំបន់ទេសចរណ៍ Sa Pa ទទួលភ្ញៀវជិត ២០,០០០ នាក់ក្នុងឱកាសបុណ្យចូលឆ្នាំថ្មីសកល ២០២២
កប.អនឡាញ - ក្នុងឱកាសបុណ្យចូលឆ្នាំថ្មីសកល ២០២២ តំបន់ទេសចរណ៍ Sa Pa គ្របដណ្ដប់ដោយអ័ព្ទ និងសីតុណ្ហភាពពី ៩ ដល់ ១១ អង្សាសេ ដែលជាអាកាសធាតុដ៏ល្អបំផុតសម្រាប់ទាក់ទាញអ្នកទេសចរមកពីទូទាំងប្រទេសមកទស្សនា។
    |
 |
|
ទឹកកកគ្របដណ្តប់ពេញកំពូលភ្នំ Fansipan (រូបភាព៖ vnanet.vn) |
នាថ្ងៃទី ៣ មករា ប្រធានការិយាល័យវប្បធម៌និងព័ត៌មានទីរួមខេត្ដ Sa Pa ខេត្ត Lao Cai លោកស្រី Hoang Thi Vuong បានឲ្យដឹងថា ភ្ញៀវទេសចរមកទស្សនាតំបន់ទេសចរណ៍ជាតិ Sa Pa ក្នុងអំឡុងរយៈពេល ៣ ថ្ងៃនៃបុណ្យចូលឆ្នាំថ្មីសកល ២០២២ (ពីថ្ងៃទី១ ដល់ថ្ងៃទី ៣ ខែមករា ឆ្នាំ ២០២២) មាន ១៧,៣៤៦ នាក់។
ប្រាក់ចំណូលពីភ្ញៀវទេសចរណ៍សម្រេចបាន ៤៦ ពាន់លានដុង កើនឡើងជាង ៧,៨ ពាន់លានដុង បើធៀបនឹងថ្ងៃបុណ្យណូអែលឆ្នាំ ២០២១ (គិតពីថ្ងៃទី ២៤ ដល់ថ្ងៃទី ២៦ ខែធ្នូ ឆ្នាំ ២០២១)។
ទោះបីចំនួនអ្នកទស្សនាមានត្រឹមតែ ៣០% បើធៀបនឹងរយៈពេលដូចគ្នាក្នុងឆ្នាំ ២០២១ ប៉ុន្តែនេះគឺជាសញ្ញាល្អដែលបង្ហាញពីការងើបឡើងវិញនៃវិស័យទេសចរណ៍នៅទីរួមខេត្ត Sapa ខេត្ត Lao Cai បន្ទាប់ពីមានការវិវឌ្ឍយ៉ាងស្មុគស្មាញនៃជំងឺកូវីដ-១៩៕
បកប្រែដោយ Pham Diep