អ៊ីរ៉ង់និងប្រទេសអឺរ៉ុបចំនួនបី បញ្ជាក់ពីការប្តេជ្ញាចិត្តបើកកិច្ចសន្ទនា "នាពេលខាងមុខ"

អនុរដ្ឋមន្ត្រីការបរទេសអ៊ីរ៉ង់ លោក Kazem Gharibabadi បានឲ្យដឹងថា ភាគីទាំងពីរមានការពិភាក្សាដោយស្មោះត្រង់ និងបានយល់ព្រមបន្តការសន្ទនានាពេលខាងមុខ។ ទន្ទឹមនឹងនេះ អ្នកការទូតអឺរ៉ុបបានលើកឡើងថា កិច្ចប្រជុំសម្រេចបាន “វឌ្ឍនភាពតិចតួចណាស់”។

រូបថតឧទាហរណ៍ (parstoday.com)

ផែនការសកម្មភាពគ្រប់ជ្រុងជ្រោយរួមសម្រាប់កម្មវិធីនុយក្លេអ៊ែរ (JCPOA) រវាងអ៊ីរ៉ង់ និងក្រុម P5+1 (រួមទាំងសមាជិកអចិន្ត្រៃយ៍ចំនួន ៥ នៃក្រុមប្រឹក្សាសន្តិសុខអង្គការសហប្រជាជាតិ៖ អង់គ្លេស បារាំង អាមេរិក រុស្ស៊ី និងចិន រួមជាមួយអាល្លឺម៉ង់) ក្នុងខែកក្កដា ឆ្នាំ ២០១៥ កំពុងខិតជិតដល់កាលបរិច្ឆេទផុតកំណត់នៅខែតុលា ឆ្នាំ២០២៥។ សហភាពអឺរ៉ុបសង្ឃឹមថា នឹងឈានដល់កិច្ចព្រមព្រៀងថ្មីមួយនៅពេលខាងមុននេះ ដោយផ្តល់ពេលវេលាគ្រប់គ្រាន់ដើម្បីអនុវត្តវិធានការដាក់កំហិតថ្មីនិងដកទណ្ឌកម្មចេញ។ ទោះជាយ៉ាងណាក៏ដោយ ការវិលត្រឡប់របស់លោក ដូណាល់ ត្រាំ ទៅកាន់សេតវិមាន ត្រូវបានគេរំពឹងថា នឹង "ដាក់ស្រមោល" លើការរំពឹងទុកនៃការឈានដល់កិច្ចព្រមព្រៀងមួយ៕

តាម vovworld.vn