លោក Netanyahu នាយករដ្ឋមន្ត្រីអ៊ីស្រាអែល បំពេញទស្សនកិច្ចនៅអាមេរិក
កាលពីថ្ងៃទី ២២ កក្កដា លោក Benjamin Netanyahu នាយករដ្ឋមន្ត្រីអ៊ីស្រាអែល បានចេញដំណើរទៅបំពេញទស្សនកិច្ចនៅសហរដ្ឋអាមេរិក ក្នុងបរិបទនៃទំនាក់ទំនងរវាងប្រទេសសម្ព័ន្ធមិត្តទាំងពីរមានភាពអាប់អួ ដោយសារតែជម្លោះនៅតំបន់ហ្គាហ្សា។
ថ្លែងទៅកាន់អ្នកសារព័ត៌មានមុនពេលឡើងយន្តហោះ លោក Netanyahu បានឲ្យដឹងថា ដំណើរទស្សនកិច្ចលើកនេះគឺមានសារៈសំខាន់ខ្លាំងណាស់ ដែលធ្វើឡើងនៅពេលដែលលោក Joe Biden ប្រធានាធិបតីអាមេរិក ទើបបានប្រកាសដកខ្លួនចេញពីការរត់ប្រណាំងចូលសេតវិមាន។ លោក Netanyahu បានសង្កត់ធ្ងន់ថា មិនថាអ្នកណានឹងក្លាយជាប្រធានាធិបតីបន្ទាប់នៅអាមេរិកនោះទេ “អ៊ីស្រាអែលនៅតែជាសម្ព័ន្ធមិត្តដ៏រឹងមាំ និងមិនអាចខ្វះបានរបស់អាមេរិកនៅមជ្ឈិមបូព៌ា”។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/07/23/upload_2118/9-ttisraelnetanyahu_wcpr.jpg?dpi=150&quality=100&w=500) |
លោក Benjamin Netanyahu នាយករដ្ឋមន្ត្រីអ៊ីស្រាអែល (រូបថត៖ vnanet.vn) |
តាមផែនការ លោក Netanyahu នឹងជួបពិភាក្សាជាមួយលោក Joe Biden ប្រធានាធិបតីអាមេរិក នៅថ្ងៃទី ២៣ ខែកក្កដា (ម៉ោងក្នុងស្រុក) ដើម្បីពិភាក្សាអំពីវិធីជួយអ៊ីស្រាអែលសម្រេចបាននូវគោលដៅរបស់ខ្លួនក្នុងជម្លោះនៅតំបន់ហ្គាហ្សា។ បន្ទាប់មក លោក Netanyahu នឹងថ្លែងសុន្ទរកថានៅក្នុងកិច្ចប្រជុំរួមរបស់សភាទាំងពីរនៃសហរដ្ឋអាមេរិកនៅថ្ងៃទី ២៤ ខែកក្កដា។
ដំណើរទស្សនកិច្ចនេះ ត្រូវបានធ្វើឡើងនៅពេលដែលលោក Netanyahu កំពុងប្រឈមមុខនឹងសម្ពាធដើម្បីចរចាលើកិច្ចព្រមព្រៀងឈប់បាញ់ជាមួយចលនាហាម៉ាសនៅតំបន់ហ្គាហ្សា។ ទន្ទឹមនឹងនេះ អាមេរិកកំពុងផ្តោតលើបញ្ហាបោះឆ្នោត បន្ទាប់ពីប្រធានាធិបតី Joe Biden បានដកខ្លួនចេញពីការបោះឆ្នោត៕
តាម vovworld.vn