លោក​ Netanyahu នាយករដ្ឋមន្ត្រីអ៊ីស្រាអែល បំពេញ​ទស្សនកិច្ចនៅអាមេរិក

ថ្លែងទៅកាន់អ្នកសារព័ត៌មានមុនពេលឡើងយន្តហោះ លោក Netanyahu បានឲ្យដឹងថា ដំណើរទស្សនកិច្ចលើកនេះគឺមានសារៈសំខាន់ខ្លាំងណាស់ ដែលធ្វើឡើងនៅពេលដែលលោក Joe Biden ប្រធានាធិបតីអាមេរិក ទើបបានប្រកាសដកខ្លួនចេញពីការរត់ប្រណាំងចូលសេតវិមាន។ លោក Netanyahu បានសង្កត់ធ្ងន់ថា មិនថាអ្នកណានឹងក្លាយជាប្រធានាធិបតីបន្ទាប់នៅអាមេរិកនោះទេ “អ៊ីស្រាអែលនៅតែជាសម្ព័ន្ធមិត្តដ៏រឹងមាំ និងមិនអាចខ្វះបានរបស់អាមេរិកនៅមជ្ឈិមបូព៌ា”។

លោក Benjamin Netanyahu នាយករដ្ឋមន្ត្រីអ៊ីស្រាអែល (រូបថត៖ vnanet.vn)

តាមផែនការ លោក Netanyahu នឹងជួបពិភាក្សាជាមួយលោក Joe Biden ប្រធានាធិបតីអាមេរិក នៅថ្ងៃទី ២៣ ខែកក្កដា (ម៉ោងក្នុងស្រុក) ដើម្បីពិភាក្សាអំពីវិធីជួយអ៊ីស្រាអែលសម្រេចបាននូវគោលដៅរបស់ខ្លួនក្នុងជម្លោះនៅតំបន់ហ្គាហ្សា។ បន្ទាប់មក លោក Netanyahu នឹងថ្លែងសុន្ទរកថានៅក្នុងកិច្ចប្រជុំរួមរបស់សភាទាំងពីរនៃសហរដ្ឋអាមេរិកនៅថ្ងៃទី ២៤ ខែកក្កដា។

ដំណើរទស្សនកិច្ចនេះ ត្រូវបានធ្វើឡើងនៅពេលដែលលោក Netanyahu កំពុងប្រឈមមុខនឹងសម្ពាធដើម្បីចរចាលើកិច្ចព្រមព្រៀងឈប់បាញ់ជាមួយចលនាហាម៉ាសនៅតំបន់ហ្គាហ្សា។ ទន្ទឹមនឹងនេះ អាមេរិកកំពុងផ្តោតលើបញ្ហាបោះឆ្នោត បន្ទាប់ពីប្រធានាធិបតី Joe Biden បានដកខ្លួនចេញពីការបោះឆ្នោត៕

តាម vovworld.vn