កម្ពុជាប្តេជ្ញារក្សា និងជំរុញសាមគ្គីភាពក្នុងអាស៊ានដើម្បីសន្តិភាពក្នុងតំបន់
កប.អនឡាញ - នាថ្ងៃទី ៨ ខែសីហា ក្នុងសារលិខិតអបអរសាទរទិវាអាស៊ាន (៨ សីហា ឆ្នាំ១៩៦៧ / ៨ សីហា ឆ្នាំ២០២២) សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានមានប្រសាសន៍ថា ក្នុងឋានៈជាប្រធានអាស៊ានឆ្នាំ ២០២២ កម្ពុជាប្តេជ្ញារក្សា និងជំរុញនូវស្មារតីរបស់អាស៊ានផ្អែកលើ “ការរួបរួមគ្នា” ដើម្បីជ្រោង និងលើកកម្ពស់មជ្ឈភាព ឯកភាព និងសាមគ្គីភាពអាស៊ាននៅក្នុងសកម្មភាពរួមគ្នាដើម្បីដោះស្រាយបញ្ហាប្រឈមរួមក្នុងតំបន់ ព្រមទាំងដើម្បីជំរុញការចូលរួមចំណែករបស់អាស៊ានចំពោះសន្តិភាព ស្ថិរភាព សន្តិសុខ និងការអភិវឌ្ឍប្រកបដោយចីរភាពនៅក្នុងសកលលោក និងតំបន់។