ប្រទេសរុស្ស៊ីបានស្នើសុំឱ្យ Google រាំងស្កាត់ព័ត៌មានមិនពិតអំពីការរីករាលដាលនៃជំងឺ Covid-19

ការលើកសំណើដូចពោលខាងលើនេះត្រូវបានធ្វើឡើងបន្ទាប់ពីកាសែត Financial Times និងកាសែត New York Times  របស់សហរដ្ឋអាមេរិកផ្សាយអំពីការស្ថិតិជាផ្លូវការនូវ ចំនួនករណីអ្នកស្លាប់ដោយសារជម្ងឺ Covid-19 នៅប្រទេសនេះដែលតិចជាងបើប្រៀបធៀបនឹងចំនួនជាក់ស្តែង។

បុគ្គលិកពេទ្យទទួលភារកិច្ចរបស់ខ្លួននៅឯកន្លែងធ្វើតេសជំងឺ Covid-19 នៅទីក្រុងមូស្គូ ប្រទេសរុស្ស៊ី (រូបថត៖ vnanet.vn)

យោងតាមគេហទំព័រ MBKH Media បានឲ្យដឹងថា នាថ្ងៃទី ១៤ ខែឧសភា Google បានប្រកាសថាខុទ្ទកាល័យអគ្គរដ្ឋអាជ្ញានៃប្រទេសរុស្ស៊ីបានស្នើឱ្យសម្ព័ន្ធក្រុមហ៊ុននេះរាំងស្កាត់ “ព័ត៌មានមិនពិត” ដែលបានលើកឡើងខាងលើនេះ។ អ្នកនាំពាក្យរបស់ក្រុមហ៊ុន Google បានបញ្ជាក់ថាខ្លួននឹងពិនិត្យឡើងវិញនូវរាល់តម្រូវការខាងច្បាប់ដ៏ត្រឹមត្រូវ របស់អាជ្ញាធរ នៃបណ្តាប្រទេសដែលក្រុមហ៊ុន Google ប្រតិបត្តិការ។

មុននេះ អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova បានរិះគន់ចំពោះកាសែត Financial Times និងកាសែត New York Times ព្រមទាំង បានស្នើឱ្យកាសែតទាំងពីរនេះដកចេញនូវព័ត៌មានមិនពិតដូចពោលខាងលើនេះផងដែរ៕

តាម vovworld.vn