និទាឃរដូវនៅស្រុកកោះ Truong Sa

“កាលពីខ្ញុំនៅជាសិស្សវិទ្យាល័យ ខ្ញុំមានក្តីសុបិនបានរស់នៅ និងធ្វើការនៅប្រជុំកោះ Truong Sa។ ពេលនេះក្តីសុបិននោះបានក្លាយជាការពិត ខ្ញុំមានអារម្មណ៍សប្បាយរីករាយណាស់”។ល។ ឮការចែករំលែករបស់លោក Truong Minh Hai លេខាសម្ព័ន្ធយុវជនទីរួមស្រុក Truong Sa (ស្រុក Truong Sa ខេត្ត Khanh Hoa ភាគកណ្តាលវៀតណាម) នៅពេលទទួលគណៈប្រតិភូមកបំពេញទស្សនកិច្ចការងារ នៅស្រុកកោះនាចុងឆ្នាំ ២០២៣ លោក Tran Quang Phu ប្រធានគណៈកម្មាធិការប្រជាជនទីរួមស្រុក Truong Sa បានចែករំលែកជាមួយខ្ញុំថា៖ “ក្រៅពីយុទ្ធជនវ័យក្មេងនៃកងទ័ពជើងទឹក និងកងទ័ពការពារព្រំដែននោះ Hai គឺជាយុវជនម្នាក់ក្នុងចំណោមយុវជនដែលកើតក្នុងឆ្នាំ ២០០០ ស្ម័គ្រចិត្តទៅធ្វើការនៅស្រុកកោះ Truong Sa។ ជាមួយនឹងចំណេះដឹងដែលប្រមូលផ្ដុំពីសាកលវិទ្យាល័យ និងស្មារតីខ្នះខ្នែងរបស់យុវវ័យ ទោះបីគាត់ទើបតែមកធ្វើការនៅកោះក៏ដោយ ក៏ Hai បានលើកកំពស់តួនាទីរបស់គាត់ជា "អ្នកដឹកនាំ" នៃសម្ព័ន្ធយុវជនទីរួមស្រុកប្រកបដោយជោគជ័យ។ល។

កុមារនៅឃុំកោះ Sinh Ton ស្រុក Truong Sa លេងក្រៅម៉ោងរៀន

រឿងរបស់យុវជន Truong Minh Hai ទៅកាន់ Truong Sa ពិតជាគួរឲ្យចាប់អារម្មណ៍ ធ្វើឲ្យមនុស្សជាច្រើនកោតសរសើរគាត់។ ចាប់កំណើត និងធំដឹងក្តីឡើងនៅទីក្រុង Nha Trang (ខេត្ត Khanh Hoa) បន្ទាប់ពីបញ្ចប់ការសិក្សាពីសាកលវិទ្យាល័យវិទ្យាសាស្ត្រសង្គម និងមនុស្សសាស្ត្រ (សកលវិទ្យាល័យជាតិទីក្រុងហូជីមិញ) ក្នុងឆ្នាំ ២០២២ យុវជន Truong Minh Hai បានក្លាយអ្នករដ្ឋការវ័យក្មេងបំផុតម្នាក់នៅមជ្ឈមណ្ឌលរដ្ឋបាលសាធារណៈខេត្ត Khanh Hoa។ ក្រុមគ្រួសារ មិត្តភ័ក្តិ និងសហសេវីកទាំងអស់សង្ឃឹមចំពោះការអភិវឌ្ឍរបស់ Hai នៅស្ថាប័នដែលមនុស្សជាច្រើនស្រមៃចង់ធ្វើការ ព្រោះ Hai មានគុណសម្បត្តិ និងសមត្ថភាពល្អ ហើយជាបក្ខជនតាំងពីគាត់មានអាយុ ២០ ឆ្នាំប៉ុណ្ណោះ។ល។ យ៉ាងណាមិញ Hai បានសម្រេចចិត្តទៅធ្វើការនៅស្រុកកោះ Truong Sa។ ដំបូងឡើយ គ្រួសារ និងមិត្តភ័ក្តិ "ភ្ញាក់ផ្អើល" ហើយស្ទើរតែគ្រប់គ្នាបានដាស់តឿនរារាំងកុំឲ្យវាទៅ។ ប៉ុន្តែក្តីស្រមៃដែល Hai បង្កើតតាំងពីកុមារភាពមក បានជំរុញទឹកចិត្តគាត់ឱ្យព្យាយាមបញ្ចុះបញ្ចូលគ្រួសារ និងសាច់ញាតិរបស់គាត់ឱ្យយល់ព្រម...

យុទ្ធជនកងទ័ពជើងទឹកនៅកោះ Nam Yet ហាត់ការសំដែងសិល្បៈ

ទន្ទឹមនឹងគំនិត និងបំណងប្រាថ្នាថា “យុវជនត្រូវតែបង្ហាញទំនួលខុសត្រូវបន្ថែមទៀតចំពោះមាតុភូមិនៅកន្លែងលំបាក” Bui Truc Phuong លេខាសម្ព័ន្ធយុវជនឃុំកោះ Song Tu Tay (ស្រុក Truong Sa) មានវត្តមាននៅជួរមុខដែលរលកនៃមាតុភូមិ។ មុនពេលទៅធ្វើការនៅស្រុកកោះ Truong Sa នោះ Phuong បានបញ្ចប់ការសិក្សានៅសកលវិទ្យាល័យ ហើយមានការងារមានស្ថិរភាពនៅទីក្រុងហូជីមិញ។ ដោយមានជំនាញភាសាបរទេសល្អ រួមជាមួយនឹងសញ្ញាប័ត្រសាកលវិទ្យាល័យដ៏ល្អឥតខ្ចោះ ការរស់នៅពេញលេញនៅទីក្រុងមិនពិបាកសម្រាប់ Bui Truc Phuong នោះទេ ប៉ុន្តែ Phuong បានជ្រើសរើសកោះដាច់ស្រយាលមួយនៅឆ្ងាយពីដីគោក ដែលជីវភាពរស់នៅជួបការលំបាក និងអាកាសធាតុដ៏អាក្រក់ដើម្បីចាប់ផ្តើមអាជីវកម្ម។

កម្មាភិបាល និងប្រជាជននៅលើកោះ Truong Sa នាំភ្ញៀវមកពីដីគោកមកទស្សនាវត្តនៅទីរួមស្រុក Truong Sa

ដោយទើបតែចាប់ផ្តើមធ្វើការ និងរស់នៅលើកោះ Truong Sa តាំងពីដើមឆ្នាំ ២០២៣ មក គ្រួសាររបស់បង Nguyen Kim Thanh - បងស្រី Tran Thao An និងកូនទាំងពីររបស់ពួកគេឥឡូវនេះមានជីវភាពរស់នៅប្រកបដោយស្ថិរភាព។ ជារៀងរាល់ថ្ងៃ បង Thanh ចូលរួមការងារជាមួយក្រុមសំណង់របស់កោះ ហើយបងស្រី An ធ្វើការជាគ្រូបង្រៀននៅសាលាបឋមសិក្សាទីរួមស្រុក Truong Sa ។ ប្តីប្រពន្ធមួយគូនេះក៏ឆ្លៀតពេលទំនេរពីការងារដាំបន្លែ និងចិញ្ចឹមមាន់ និងទា ដើម្បីបង្កើនប្រាក់ចំណូល និងលើកស្ទួយជីវភាពរស់នៅរបស់ពួកគេ។ បង Thanh បានចែករំលែកថា នៅលើកោះដាច់ស្រយាល គ្រួសារនានាតែងតែទទួលបានការថែទាំ និងការយកចិត្តទុកដាក់ពីអាជ្ញាធរ និងកម្មាភិបាល និងយុទ្ធជនក្នុងកងទ័ព។

យោងតាមលោក Le Dinh Hai ប្រធានគណៈកម្មាធិការប្រជាជនស្រុក Truong Sa ថា ក្នុងប៉ុន្មានឆ្នាំថ្មីៗនេះ ស្រុកកោះ Truong Sa បានទទួលកម្មាភិបាលវ័យក្មេង និងគ្រួសារជាច្រើនស្ម័គ្រចិត្តចាប់ផ្តើមអាជីវកម្ម និងរស់នៅនៅទីនេះ។ នៅពេលយើងខ្ញុំសួរអំពីការត្រៀមរៀបចំកងទ័ព និងប្រជាជនស្រុកកោះដើម្បីទទួលអំណរបុណ្យចូលឆ្នាំថ្មី លោក Le Dinh Hai បានចែករំលែកថា៖ “អាស្រ័យដោយមានការយកចិត្តទុកដាក់ និងការថែទាំពីបក្ស រដ្ឋ កងទ័ព និងប្រជាជនទូទាំងប្រទេស បុណ្យចូលឆ្នាំថ្មីនៅស្រុកកោះ Truong Sa ក្នុងប៉ុន្មានឆ្នាំថ្មីៗនេះ គឺពេញលេញណាស់។ កងទ័ព និងប្រជាជននៅលើកោះពិតជារីករាយនឹងនិទាឃរដូវ និងទទួលអំណរបុណ្យចូលឆ្នាំថ្មី ព្រមទាំងប្រុងប្រយ័ត្ន ដើម្បីការពារអធិបតេយ្យភាពដ៏ពិសិដ្ឋនៃសមុទ្រ និងកោះនៃមាតុភូមិ”៕

បកប្រែដោយ Huyen Trang