ថ្នាក់រៀនអក្សរប្រកបដោយមនោសញ្ចេតនានៅភូមិ Hua Pu

នៅក្នុងអាកាសត្រជាក់ខ្លាំង សំឡេងអានបានបន្លឺឡើងក្នុងលំហស្ងាត់នៃតំបន់ព្រៃភ្នំ។ បាតដៃទាំងគូដែលធ្លាប់កាន់ចបកាប់ កាន់កាំបិតទៅធ្វើស្រែចំការ ពេលនេះបែទៅកាន់ប៊ិចហាត់សរសេរអក្សរដំបូងក្នុងជីវិត។ គ្រូបង្រៀនថ្នាក់រៀន គឺជាកម្មាភិបាល បុគ្គលិក និងបញ្ញវន្តវ័យក្មេងស្ម័គ្រចិត្តនៃក្រុមផលិតកម្មលេខ៥ អង្គភាពសេដ្ឋកិច្ចការពារជាតិលេខ៥ យោធភូមិភាគទី៤។

កម្មាភិបាល បុគ្គលិក និងបញ្ញវន្តវ័យក្មេងស្ម័គ្រចិត្តនៃអង្គភាពសេដ្ឋកិច្ច-ការពារជាតិលេខ៥ ណែនាំប្រជាជនរៀនអក្សរ

ដើម្បីឱ្យថ្នាក់រៀនត្រូវបានរក្សាយ៉ាងពេញលេញ  កម្មាភិបាល បុគ្គលិក និងបញ្ញវន្តវ័យក្មេងស្ម័គ្រចិត្ត ក្រុមផលិតកម្មលេខ៥ បានជួបការលំបាកក្នុងការឃោសនាផ្សព្វផ្សាយជូនប្រជាជន។ ជារៀងរាល់ថ្ងៃ រួមជាមួយនឹងភារកិច្ចជួយប្រជាពលរដ្ឋអភិវឌ្ឍសេដ្ឋកិច្ច បំបាត់ភាពអត់ឃ្លាន និងកាត់បន្ថយភាពក្រីក្រ កម្មាភិបាល បុគ្គលិក និងបញ្ញវន្តវ័យក្មេងស្ម័គ្រចិត្តក៏ចុះទៅដល់ផ្ទះ ទៅវាលស្រែ ដើម្បីផ្សព្វផ្សាយពីសារៈសំខាន់នៃការរៀនអក្សរ។ ក្នុងដំណើរការបង្រៀន កម្មាភិបាល បុគ្គលិក និងបញ្ញវន្តវ័យក្មេងស្ម័គ្រចិត្ត នៃក្រុមផលិតកម្មលេខ៥ ក៏បានចងក្រងមេរៀនដែលជិតស្និទ្ធនឹងជីវភាពប្រចាំថ្ងៃរបស់ប្រជាពលរដ្ឋផងដែរ។

ដើម្បីបង្រៀនអក្សរជូនប្រជាពលរដ្ឋ កម្មាភិបាល បុគ្គលិក និងបញ្ញវន្តវ័យក្មេងស្ម័គ្រចិត្តនៃអង្គភាពសេដ្ឋកិច្ចការពារជាតិលេខ៥ ត្រូវឆ្លងកាត់កំណាត់ផ្លូវដ៏លំបាកពីអង្គភាពទៅភូមិ។ ពីការគាំទ្រពីប្រជាជន នៅឆ្នាំ២០២២ អង្គភាពសេដ្ឋកិច្ចការពារជាតិលេខ៥ បានបើកថ្នាក់រៀនអក្សរចំនួន ៥ ជូនប្រជាជនចំនួន ១៦៥ នាក់នៅតំបន់ព្រៃភ្នំ Muong Lat។ ថ្នាក់រៀនអក្សរនេះ វាមិនត្រឹមតែរួមចំណែកលុបបំបាត់អនក្ខរកម្មជូនប្រជាពលរដ្ឋប៉ុណ្ណោះទេ ថែមទាំងបើកអនាគតដ៏ភ្លឺសម្រាប់យុវជនជំនាន់ក្រោយនៅទីនេះផងដែរ ព្រោះគំរូពីម្តាយចាស់ជរាដែលចូលរួមនៅក្នុងថ្នាក់រៀន​អក្សរ​គឺជាកម្លាំងចិត្តសម្រាប់កូនៗធ្វើតាម៕

បកប្រែដោយ Duy Hoan