"គ្រូពេទ្យ និងគិលានុបដ្ឋាយិកាវៀតណាមពិតជាអស្ចារ្យមែន!"
កប.អនឡាញ - នៅថ្ងៃទី ៣០ ខែមីនា ប្រហែលជាថ្ងៃពិសេសសម្រាប់ “យុទ្ធជន” ក្នុងសម្លៀកបំពាក់ព៌ណស ដែលកំពុងប្រយុទ្ធប្រឆាំងនឹងរោគរាតត្បាត Covid-19 នៅពេលដែលអ្នកជំងឺ ៣០ នាក់ត្រូវបានប្រកាសថាជាសះស្បើយ ក្នុងនោះអ្នកជំងឺ ២៧ នាក់នៅមន្ទីរពេទ្យត្រូពិចមជ្ឈិម និងអ្នកជំងឺ ៣ នាក់នៅមន្ទីរពេទ្យចល័តក្នុងស្រុក Cu Chi ទីក្រុងហូជីមិញ។
អ្នកជំងឺ Covid-19 ចំនួន២៧ នាក់ដែលត្រូវបានមន្ទីរពេទ្យត្រូពិកមជ្ឈិមព្យាបាលជាសះស្បើយ រួមមានជនជាតិវៀតណាម ១៩ នាក់និងជនបរទេស ៨ នាក់។ ការទះដៃអបអរសាទរគឺជាអំណោយដែលក្រុមគ្រូពេទ្យ វេជ្ជបណ្ឌិតមកពីមន្ទីរពេទ្យត្រូពិកមជ្ឈិមផ្ដល់ជូនអ្នកជំងឺចំនួន ២៧ នាក់។
|
|
លោកស្រី Shan ជនជាតិអ៊ីស្លង់ មានសេចក្តីរីករាយដោយបានព្យាបាល Covid-19 ជាសះស្បើយ |
លោកស្រី Shan អាយុ ៦៧ ឆ្នាំ (អ្នកជម្ងឺលេខ ២៤) រួមជាមួយមិត្តភក្តិ ២ នាក់ មានក្ដីសប្បាយរីករាយយ៉ាងក្រៃលេងដែលត្រូវបានព្យាបាលជំងឺ Covid-19 ជាសះស្បើយ។ លោកស្រី Shan ជាអ្នកទេសចរអៀរឡង់ម្នាក់មកដល់ប្រទេសវៀតណាមពីប្រទេសអង់គ្លេស តាមជើងហោះហើរ VN0054 នៅថ្ងៃទី ២ ខែមីនា។ ប្តីរបស់គាត់ជាអ្នកជំងឺម្នាក់ក្នុងចំណោមអ្នកជម្ងឺធ្ងន់ធ្ងរបីនាក់នៅតែកំពុងទទួលការព្យាបាលនៅមន្ទីរពេទ្យត្រូពិចមជ្ឈិមមូលដ្ឋានទី ២។ ដោយមានក្ដីរំភើបចិត្ដយ៉ាងខ្លាំង លោកស្រី Shan ចែករំលែកក្នុងទឹកភ្នែកថា “ដោយសារតែខ្ញុំធ្លាប់ជាគិលានុបដ្ឋាយិកាម្នាក់ ខ្ញុំដឹងថាខ្ញុំអាចស្លាប់ដោយសារជំងឺនេះ។ វេជ្ជបណ្ឌិត និងគិលានុបដ្ឋាយិកាវៀតណាមពិតជាអស្ចារ្យមែន! វេជ្ជបណ្ឌិត Kien វេជ្ជបណ្ឌិត Thang និងវេជ្ជបណ្ឌិតនិងគិលានុបដ្ឋាយិកាផ្សេងទៀតសុទ្ធតែជាមនុស្សអស្ចារ្យដែលបានជួយសង្គ្រោះជីវិតមនុស្សជាច្រើន។ ប្តីរបស់ខ្ញុំនៅតែខ្សោយ ហើយត្រូវការការថែទាំពិសេស ប៉ុន្ដែខ្ញុំជឿថា គ្រូពេទ្យវៀតណាមនឹងជួយព្យាបាលឲ្យគាត់បានជាសះស្បើយ។
ចែករំលែកក្តីសប្បាយរីករាយជាមួយអ្នកជំងឺ វេជ្ជបណ្ឌិត Tran Van Giang ទទួលបន្ទុកផ្នែកវីរុសបារ៉ាស៊ីតនៅមន្ទីរពេទ្យត្រូពិចមជ្ឈិមបាននិយាយថា នៅពេលដែលអ្នកជំងឺដឹងថាឆ្លងវីរុស SARS-CoV-2 នោះ ភាគច្រើនពួកគេមានការបារម្ភយ៉ាងខ្លាំង ដូច្នេះក្នុងដំណើរការព្យាបាលអ្នកជំងឺនោះ វេជ្ជបណ្ឌិតនិងគិលានុបដ្ឋាយិកាតែងតែលើកទឹកចិត្ដដល់អ្នកជំងឺ។
អ្នកជំងឺដែលត្រូវបានប្រកាសថាបានជាសះស្បើយសុទ្ធតែបានធ្វើតេស្តចំនួន ២ ទៅ ៣ ដង ដោយចេញលទ្ធផលអវិជ្ជមានជាមួយវីរុស SARS-CoV-2 ហើយអ្នកជំងឺទាំងនេះបន្តស្ថិតនៅក្រោមការពិនិត្យសុខភាពរយៈពេល ១៤ ថ្ងៃទៀតដើម្បីធានាសុវត្ថិភាពដល់សហគមន៍៕
បកប្រែដោយ Pham Diep