នៅក្នុងលិខិតអបអរសាទររបស់លោក Thongloun Sisoulith អគ្គលេខាបក្ស និងជាប្រធានរដ្ឋនៃសាធារណរដ្ឋប្រជាធិបតេយ្យប្រជាមានិតឡាវ  បានសង្កត់ធ្ងន់ថា ការដែលលោក To Lam អគ្គលេខាបក្ស  បានបោះឆ្នោតជ្រើសតាំងជាសារថ្មី ជាអគ្គលេខាបក្ស សម្រាប់អាណត្តិមួយទៀត ដែលបង្ហាញពីការជឿទុកចិត្ត និងការវាយតំលៃដ៏ខ្ពង់ខ្ពស់របស់បក្ស រដ្ឋ និងប្រជាជនវៀតណាម ចំពោះការចូលរួមចំណែកដ៏ធំធេងខាងបញ្ញា គុណបំណាច និងបទពិសោធន៍ដ៏សម្បូរបែប របស់លោកអគ្គលេខាបក្ស ក្នុងការដឹកនាំក្នុងអំឡុងកន្លងមក ហើយបញ្ជាក់ថានឹងរួមជាមួយ លោកអគ្គលេខាបក្ស To Lam និងថ្នាក់ដឹកនាំថ្មីនៃបក្សកុម្មុយនិស្តវៀត​ណាម ដើម្បីបន្តថែរក្សា និងពង្រឹងទំនាក់ទំនងមិត្តភាពដ៏អស្ចារ្យ សាមគ្គីភាពពិសេស កិច្ចសហប្រតិបត្តិការគ្រប់ជ្រុងជ្រោយ និងការតភ្ជាប់ជាយុទ្ធសាស្ត្ររវាងឡាវ និងវៀតណាម។

leftcenterrightdel
លោក To Lam អគ្គលេខាបក្ស  បានបោះឆ្នោតជ្រើសតាំងជាឯកច្ឆ័ន្ទ ជាអគ្គលេខាធិការនៃគណៈកម្មាធិការមជ្ឈិមបក្សកម្មុយនិស្តវៀតណាម នីតិកាលទី ១៤

នៅក្នុងសារអបអរសាទរពីលោក Xi Jinping អគ្គលេខាបក្ស និងជាប្រធានរដ្ឋ នៃសាធារណរដ្ឋប្រជាមានិតចិន  បានសរសេរថា៖ «ចិន និងវៀតណាម គឺជាប្រទេសជិតខាងដែលមានចំណងមិត្តភាពសង្គមនិយម និងជាសហគមន៍ចែករំលែកអនាគត ដែលមានអត្ថន័យយុទ្ធសាស្ត្រ។ ខ្ញុំគោរពយ៉ាងជ្រាលជ្រៅចំពោះទំនាក់ទំនងរវាងបក្សទាំងពីរ និងប្រទេសទាំងពីរ ចិន និងវៀតណាម ហើយត្រៀមខ្លួនរួចជាស្រេច ដើម្បីរួមជាមួយលោក To Lam អគ្គលេខាបក្ស  បង្កើនការផ្លាស់ប្តូរយុទ្ធសាស្ត្រ លើកកម្ពស់មិត្តភាពប្រពៃណី ជំរុញយ៉ាងរឹងមាំនូវបុព្វហេតុនៃសង្គមនិយម និងដឹកនាំកិច្ចសហប្រតិបត្តិការជាយុទ្ធសាស្ត្រគ្រប់ជ្រុងជ្រោយ ហើយការកសាងសហគមន៍ចែករំលែកអនាគតចិន - វៀតណាម  សម្រេចបានលទ្ធផលដ៏ធំធេងជាបន្តបន្ទាប់ ដែលនាំមកនូវផលប្រយោជន៍កាន់តែច្រើនដល់ប្រជាជននៃប្រទេសទាំងពីរ និងចូលរួមចំណែកយ៉ាងសកម្មដល់សន្តិភាព ស្ថិរភាព និងការអភិវឌ្ឍដ៏រុងរឿងនៅក្នុងតំបន់ និងពិភពលោក។”

ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានផ្ញើព្រះរាជសារជូនពរដ៏ស្មោះស្ម័គ្របំផុតរបស់ព្រះអង្គទៅកាន់លោកអគ្គលេខាបក្ស To Lam ។ ព្រះបរមនាថ នរោត្តម សីហមុនី ព្រះមហាក្សត្រ មានជំនឿជឿជាក់យ៉ាងមុតមាំ វៀតណាមនឹងសម្រេចបាននូវភាពជោគជ័យ និងការអភិវឌ្ឍដ៏អស្ចារ្យលើគ្រប់វិស័យ ខណៈពេលដែលរក្សាបាននូវតួនាទីដ៏សំខាន់នៅក្នុងតំបន់ និងលើពិភពលោក។ ទន្ទឹមនឹងនេះ  សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានផ្ញើសារអបអរសាទរជូនលោកអគ្គលេខាបក្ស To Lam។ សម្តេច​តេជោ ហ៊ុន សែន​ជឿជាក់យ៉ាងមុតមាំថា ដោយកិច្ចខំប្រឹងប្រែងរួម  ចំណងមិត្តភាព នៃប្រទេសទាំងពី ត្រូវបានពង្រឹងឱ្យកាន់ស៊ីជម្រៅបន្ថែមទៀត ស្របតាមទិសស្លោក “ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ ស្ថិរភាពយូរអង្វែង” រវាងគណបក្ស និងរដ្ឋាភិបាល នៃប្រទេសយើងទាំងពីរ​៕

បកប្រែដោយ​ Duy Hoan