លើកកម្ពស់ទំនុកចិត្តយ៉ាងមុតមាំក្នុងសហគមន៍ធុរកិច្ចវៀតណាម​នៅកម្ពុជា

សមាជិក VCBA កំពុងទស្សនាពិធីបិទនៃមហាសន្និបាតលើកទី ១៤ របស់បក្សកុម្មុយនិស្តវៀតណាម

តាមរយៈទស្សនាពិធីបិទនៃមហាសន្និបាតលើកទី ១៤ របស់បក្សកុម្មុយនិស្តវៀតណាម នារសៀលថ្ងៃទី ២៣ ខែមករា លោកឧកញ៉ា ឡេង ឬទ្ធី ប្រធាន VCBA បានមានប្រសាសន៍ថា ទោះបីជានៅឆ្ងាយពីមាតុភូមិក៏ដោយ តាមរយៈទូរទស្សន៍ សមាជិកនៃសមាគម មានការរំជួលចិត្តយ៉ាងខ្លាំងចំពោះលទ្ធផលនៃមហាសន្និបាត ដែលបាននាំមកនូវភាពរស់រវើកថ្មីនៃសាមគ្គីភាព និងការប្តេជ្ញាចិត្តដ៏រឹងមាំរបស់​បក្ស និង​ប្រជាជនទាំងមូល​។

លោកឧកញ៉ា ឡេង ឬទ្ធី ជឿជាក់ថា ការសម្រេចចិត្តជាឯកច្ឆន្ទរបស់គណៈកម្មាធិការមជ្ឈិមបក្ស នីតិកាលទី១៤ ក្នុងការបោះឆ្នោតជ្រើសតាំងលោក To Lam អគ្គលេខាបក្ស នីតិកាលទី១៣ សាជាថ្មី ជាអគ្គលេខាបក្ស ដែលគឺជាការទទួលស្គាល់សមត្ថភាពដឹកនាំ និងភាពឈ្លាសវៃរបស់លោក​អគ្គលេខាបក្ស ក្នុងការអនុវត្តយុទ្ធសាស្ត្រ និងគោលនយោបាយត្រឹមត្រូវ មានប្រសិទ្ធភាព និងម៉ឺងម៉ាត់ ក្នុង​រយៈពេលកន្លងមកនេះ។

លោកឧកញ៉ា ឡេង ឬទ្ធី ប្រធាន VCBA

លោកឧកញ៉ា ឡេង ឬទ្ធី បានបញ្ជាក់ថា មហាសន្និបាតលើកទី១៤ របស់បក្ស មិនត្រឹមតែជាមហាសន្និបាតធម្មតាប៉ុណ្ណោះទេ ថែមទាំងជាព្រឹត្តិការណ៍ប្រវត្តិសាស្ត្រ ដែលបើកយុគសម័យថ្មីសម្រាប់ប្រជាជាតិផងដែរ។ សារៈសំខាន់បំផុតនៃមហា​សន្និ​បាត​នេះ គឺការបង្កើតចក្ខុវិស័យយុទ្ធសាស្ត្រ លើកកម្ពស់សេចក្តីប្រាថ្នាអំពីខ្លួនទីពឹងផ្អែកលើខ្លួន និងមហាសមាគ្គីភាពប្រជាជនទាំងមូល ដើម្បីនាំវៀតណាមក្លាយជាប្រទេសអភិវឌ្ឍ។

ក្រៅពីនោះ ប្រធាន VCBA បាន​អះអាងថា មហាសន្និបាតលើកនេះ បានពង្រឹងយ៉ាងខ្លាំងនូវសសរស្តម្ភបីនៃទំនុកចិត្ត។ នោះគឺជា ជំនឿលើស្ថិរភាព និងរបកគំហើញ ដោយសារគោលនយោបាយរបស់បក្ស ដែលបង្ហាញពីការប្តេជ្ញាចិត្ត ក្នុងការបង្កើត និងលុបបំបាត់ឧបសគ្គអំពីប្រព័ន្ធច្បាប់ ជួយឱ្យអាជីវកម្មមានភាពស្ថិរភាព សម្រាប់ការវិនិយោគរយៈពេលយូរអង្វែង។ នោះក៏ជាជំនឿមួយលើតួនាទីរបស់ប្រទេសជាតិផងដែរ ពីព្រោះតួនាទីប្រទេសជាតិត្រូវបានលើកកំពស់នឹងផ្តល់ឱ្យអាជីវកម្មវៀតណាមនៅឯបរទេសនូវឱកាសកាន់តែច្រើនសម្រាប់ការតភ្ជាប់ និងការប្រកួតប្រជែងអន្តរជាតិ។

សមាគមសហព័ន្ធធុរកិច្ចវៀតណាម-កម្ពុជានៅកម្ពុជាជឿជាក់យ៉ាងមុតមាំថា ការគាំទ្រពីបក្ស និងរដ្ឋនៅក្នុងយុគសម័យថ្មីនេះនឹងជួយសហគមន៍ធុរកិច្ចនៅឯបរទេសឱ្យមានវិធានការកាន់តែរឹងមាំដើម្បីនាំយកម៉ាកយីហោវៀតណាមទៅកាន់ទីផ្សារ​អន្តរជាតិ​។

លោកបណ្ឌិត វេជ្ជបណ្ឌិត ហេង លីហុង អនុប្រធានប្រចាំ និងជាអគ្គលេខាធិការនៃ VCBA

លោកបណ្ឌិត វេជ្ជបណ្ឌិត ហេង លីហុង អនុប្រធានប្រចាំការ និងជាអគ្គលេខាធិការនៃ VCBA បានសម្តែងចំណាប់អារម្មណ៍ជាពិសេសចំពោះឯកសារនៃមហាសន្និបាតលើកទី ១៤ របស់បក្សស្តីពីគោលដៅអភិវឌ្ឍ ក្នុង​ដំណាក់កាល ២០២៦-២០៣០ និងចក្ខុវិស័យរហូតដល់ឆ្នាំ ២០៤៥។

លោកបណ្ឌិត ហេង លីហុង មាន​ប្រសាសន៍ថា ឯកសារទាំងនេះត្រូវបានកសាង ដោយមានសេចក្តីប្រាថ្នាយ៉ាងខ្លាំង មានផែនទីបង្ហាញផ្លូវច្បាស់លាស់ និងរឹងមាំ ដែលបង្កើតមូលដ្ឋាន​សម្រាប់របកគំហើញជាយុទ្ធសាស្ត្រ និងទិសដៅក្នុងរយៈពេលយូរអង្វែងនៃប្រទេសជាតិ។ អនុប្រធានប្រចាំការនៃ VCBA បន្តបង្ហាញពីការរំពឹងទុករបស់លោកចំពោះរបកគំហើញក្នុងការកែទម្រង់​ប្រព័ន្ធច្បាប់​ ការកែទម្រង់នីតិវិធីរដ្ឋបាល និងការកែលម្អបរិយាកាសវិនិយោគ និងធុរកិច្ច។ ជាពិសេសគោលនយោបាយគាំទ្រសហគ្រាសធុនតូច និងមធ្យម ក៏ដូចជាអាជីវកម្មវៀតណាម​នៅឯបរទេស ដែលវិលត្រឡប់មកវិនិយោគ និងមាន​ការភ្ជាប់ទជាមួយទីផ្សារក្នុងស្រុកវិញ។

លោកស្រី សុខ ចាន់ដា អនុប្រធាន VCBA បានចែករំលែកចំណាប់អារម្មណ៍របស់លោកស្រីចំពោះសារ "យកប្រជាជនជាឫសគល់" នៃមហាសន្និបាតលើកទី ១៤ របស់បក្ស។ នេះបង្ហាញយ៉ាងច្បាស់អំពី ស្មារតីនៃការយកប្រជាជន និងអាជីវកម្មជាស្នូល ក្នុងគោលនយោបាយទាំងអស់។ មហាសន្និបាតលើកនេះ បានពង្រឹងទំនុកចិត្តបន្ថែមទៀត លើទិសដៅអភិវឌ្ឍរបស់អាជីវកម្មវៀតណាម ខណៈពេលដែលបញ្ជាក់ពីការរួម ដំណើររបស់បក្សជាមួយសហគមន៍ជនវៀតណាមនៅឯបរទេស។

លោកស្រី សុខ ចាន់ដា អនុប្រធាន VCBA

ដើម្បីចូលរួមជាមួយប្រទេស ក្នុងការឈានចូលទៅក្នុងយុគសម័យអភិវឌ្ឍ ថ្នាក់ដឹកនាំ VCBA បានបញ្ជាក់ថា សមាគមបានកំណត់យ៉ាងច្បាស់នូវតួនាទីរបស់ខ្លួនជាស្ពាន ដែលមានការទុកចិត្តបានរវាងសហគមន៍អាជីវកម្មវៀតណាមនៅកម្ពុជា និងស្ថាប័ន​មាន​សមត្ថកិច្ចពាក់ព័ន្ធនៃប្រទេសទាំងពីរ ខណៈពេលដែលក៏រួមចំណែកយ៉ាងសកម្ម ក្នុងការពង្រឹង និងអភិវឌ្ឍទំនាក់ទំនងមិត្តភាពរវាងវៀតណាម និងកម្ពុជា៕

បកប្រែដោយ Duy Hoan