វៀតណាម-ស៊ុយអែតមានឱកាសជាច្រើនសម្រាប់កិច្ចសហប្រតិបត្តិការកាន់តែស៊ីជម្រៅ និងនិរន្តរភាពបន្ថែមទៀតនាពេលអនាគត

វៀតណាម និងស៊ុយអែតមានឱកាសជាច្រើនសម្រាប់កិច្ចសហប្រតិបត្តិការនាពេលអនាគត ជាពិសេសក្នុងវិស័យដែលកំពុងរីកចម្រើន។ នេះជាមតិរបស់អ្នកជំនាញ និងអ្នកប្រាជ្ញជាច្រើនក្នុងសន្និសីទអន្តរជាតិ “៥៥ ទំនាក់ទំនងការទូតរវាងវៀតណាម និងស៊ុយអែត” ដែលរៀបចំដោយបណ្ឌិតសភាវិទ្យាសាស្ត្រសង្គមវៀតណាម នាថ្ងៃ២៣ ធ្នូ នៅទីក្រុងហាណូយ។

ទិដ្ឋភាពនៃសិក្ខាសាលា​ (រូប​ថត៖ vnanet.vn)

នៅក្នុងសិក្ខាសាលានេះ អ្នកជំនាញជាច្រើនបានអត្ថាធិប្បាយថា ក្នុងបរិបទបច្ចុប្បន្ន ការទាញយកប្រយោជន៍ពីកិច្ចព្រមព្រៀងពាណិជ្ជកម្មសេរីជំនាន់ថ្មី ជាពិសេស សហភាពអឺរ៉ុប - កិច្ចព្រមព្រៀងពាណិជ្ជកម្មសេរីវៀតណាម (EVFTA) បានក្លាយទៅជាឧបករណ៍សំខាន់សម្រាប់វៀតណាម និងស៊ុយអែត ដើម្បីជំរុញកិច្ចសហប្រតិបត្តិការ។ ជាមួយនឹងភាពខ្លាំងរបស់ប្រទេសស៊ុយអែតក្នុងវិស័យថាមពលកកើតឡើងវិញ បច្ចេកវិទ្យាព័ត៌មាន ព្រៃឈើប្រកបដោយនិរន្តរភាព ការគ្រប់គ្រងកាកសំណល់ និងឧស្សាហកម្មជំនួយរថយន្ត វៀតណាមចាំបាច់ត្រូវលើកទឹកចិត្តយ៉ាងសកម្ម និងបង្កើតលក្ខខណ្ឌអំណោយផលដើម្បីអាជីវកម្មស៊ុយអែតបង្កើនការវិនិយោគ... ទន្ទឹមនឹងនោះ ជាមួយនឹងកេរ្តិ៍ឈ្មោះសេដ្ឋកិច្ច និងហិរញ្ញវត្ថុអន្តរជាតិ ស៊ុយអែត អាចជួយវៀតណាមក្នុងការទទួលបានធនធាន និងអនុវត្តគំនិតផ្តួចផ្តើមកិច្ចសហប្រតិបត្តិការថ្មី ជាពិសេសក្នុងវិស័យបច្ចេកវិទ្យាឌីជីថល ការអភិវឌ្ឍន៍ផលិតកម្ម ការកែច្នៃ និងបណ្តាញព្យាបាល កាកសំណល់ ឆ្ពោះទៅរកគោលដៅអភិវឌ្ឍន៍ប្រកបដោយចីរភាព។

ចែករំលែកមតិទាំងនេះ លោក Oscar Staffas Edstrom ទីប្រឹក្សាប្រធាននាយកដ្ឋានពាណិជ្ជកម្ម និងសេដ្ឋកិច្ចនៅស្ថានទូតស៊ុយអែតប្រចាំនៅវៀតណាមបានអះអាងថា ស៊ុយអែតប្តេជ្ញារួមដំណើរជាមួយនិងគាំទ្រវៀតណាមក្នុងដំណើរអភិវឌ្ឍន៍ប្រកបដោយចីរភាពតាមរយៈការផ្តួចផ្តើមគំនិតច្នៃប្រឌិត និងការវិនិយោគយុទ្ធសាស្ត្រ។ ត្រៀមខ្លួនជាស្រេចដើម្បីចែករំលែកបទពិសោធន៍ បច្ចេកវិទ្យា និងធនធាន ដើម្បីជំរុញការអភិវឌ្ឍន៍របស់វៀតណាមលើវិស័យដូចជា នវានុវត្តន៍ ថាមពលកកើតឡើងវិញ សុខភាព និងការបណ្តុះបណ្តាលធនធានមនុស្ស។

បកប្រែដោយ Duy Hoan