អតិរេកនៃការនាំចេញរបស់វៀតណាមសម្រេចបានជិត ៣ ពាន់លានដុល្លារអាមេរិក
កប.អនឡាញ - អគ្គនាយកដ្ឋានគយវៀតណាមទើបបានឲ្យដឹងថា នៅដើមខែកុម្ភៈ ឆ្នាំ២០២១ ទំហំនៃការនាំចេញរបស់វៀតណាមទទួលបាន ៩.៩៤ ពាន់លានដុល្លារអាមេរិក កើនឡើងជិត ២.៥% បើប្រៀបធៀបនឹងរយៈពេលដូចគ្នានៅឆ្នាំ២០២០។
ទំនិញទាំង៤ដែលមានទំហំនៃការនាំចេញសម្រេចបានពី ១ ពាន់លានដុល្លារអាមេរិកឡើងទៅ រួមមាន៖ ទូរស័ព្ទ និងគ្រឿងបន្លាស់; កុំព្យូទ័រ ផលិតផលទូរស័ព្ទ និងគ្រឿងបន្លាស់; ម៉ាស៊ីន ឧបករណ៍ គ្រឿងបន្លាស់; វាយនភណ្ឌ។ តាំងពីដើមឆ្នាំដល់ថ្ងៃទី១៥ ខែកុម្ភៈ ទំហំពាណិជ្ជកម្មនៃការនាំចេញរបស់វៀតណាមទទួលបាន ៣៨.៤៦ ពាន់លានដុល្លារអាមេរិក កើនឡើងជិត ៣៧% បើធៀបនឹងរយៈពេលដូចគ្នានៅឆ្នាំ២០២០។
នៅពាក់កណ្តាលដំបូងនៃខែកុម្ភៈ ទំហំនៃការនាំចូលបានថយចុះបើប្រៀបធៀបនឹងរយៈពេលដូចគ្នាកាលពីឆ្នាំមុន ដោយទទួលបាន ៩.២៤ ពាន់លានដុល្លារអាមេរិក។ តាំងពីដើមឆ្នាំដល់ថ្ងៃទី១៥ ខែកុម្ភៈ ទំហំនៃការនាំចេញ និងនាំចូលរបស់វៀតណាមទទួលបានជាង ៧៤ ពាន់លានដុល្លារអាមេរិក៕
បកប្រែដោយ Thuy Anh