វៀតណាម - កាណាដា ខិតខំប្រឹងប្រែងទាញយកប្រសិទ្ធភាពពី CPTPP ក្រោយពីជំងឺរាតត្បាតកូវី ១៩

ទិដ្ឋភាពនៃសិក្ខាសាលា“ដោះដូរពាណិជ្ជកម្មវៀតណាម - កាណាដា ក្នុង CPTPP៖ ទិសដៅនិងអនុសាសន៍ក្រោយពីជំងឺកូវីដ ១៩” (រូបថត៖ TTXVN)

សិក្ខាសាលានេះ មានការចូលរួមពីប្រតិភូប្រមាណ ៧០ នាក់។ អ្នកចូលរួមបានផ្តោតលើការពិភាក្សានិងស្វែងរក“ ចម្លើយ” ចំពោះសំណួរដូចជា ធ្វើដូចម្ដេចដើម្បីទាញយកសក្តានុពលដ៏ធំធេងនៃ CPTPP ខណៈដែលខ្សែសង្វាក់ផ្គត់ផ្គង់សកលលោកកំពុងតែរៀបចំរចនាសម្ព័ន្ធឡើងវិញក្នុងបរិបទនៃជំងឺកូវីដ ១៩ ហើយធ្វើយ៉ាងដូចម៉្ដេចដើម្បីសហគ្រាសនៃប្រទេសទាំងពីរអាចបង្កើនការយោគយល់គ្នាទីវិញទៅមកជាដើម។ លោក Arvind Vijh ទទួលបន្ទុកការិយាល័យអន្តរជាតិ Deloitte Canada បានចាត់ទុកថា បណ្ដាសហគ្រាសកាណាដាចាំបាច់ត្រូវស្រាវជ្រាវនិងស្វែងរកឱកាសធ្វើអាជីវកម្មនៅវៀតណាមដែលជាប្រទេសមិនត្រឹមតែជាសមាជិករបស់ CPTPP ប៉ុណ្ណោះទេ ថែមទាំងបានចូលរួមកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ហើយជាសមាជិករបស់អាស៊ានទៀតផង៕

តាម vovworld.vn