វៀតណាមផ្តល់អាជ្ញាប័ណ្ណនាំចេញសាច់និងជលផលសម្រាប់សហគ្រាសអាមេរិកចំនួន៦៧០
កប.អនឡាញ - តាំងពីថ្ងៃទី២៤ ដល់ថ្ងៃទី២៩ ខែកុម្ភៈ ក្រុមបេសកកម្មវៀតណាមដឹកនាំដោយលោក Le Quoc Doanh អនុរដ្ឋមន្រ្តីក្រសួងកសិកម្មនិងអភិវឌ្ឍន៍ជនបទបានបំពេញទស្សនកិច្ចនៅប្រទេសអាមេរិកដើម្បីពង្រឹងកិច្ចសហប្រតិបត្តិការ និងការដោះដូរកសិកផលវៀតណាម-អាមេរិក។
នាបច្ចុប្បន្ន វៀតណាមបានផ្តល់អាជ្ញាប័ណ្ណនាំចេញសាច់សម្រាប់សហគ្រាសអាមេរិកចំនួន៤៦០ និងផ្តល់អាជ្ញាប័ណ្ណនាំចេញជលផលសម្រាប់សហគ្រាសអាមេរិកចំនួន២១០។ ទន្ទឹមនឹងនោះ វៀតណាមក៏ផ្តល់អាជ្ញាប័ណ្ណនាំចេញផ្លែឈើស្រស់ ៦ ប្រភេទសម្រាប់សហគ្រាសអាមេរិកផងដែរ។ តាមគម្រោងពីថ្ងៃទី ២ ខែមីនា ដល់ថ្ងៃទី១៣ ខែមីនា គណៈប្រតិភូនៃក្រសួងកសិកម្មសហរដ្ឋអាមេរិក(USDA) នឹងបំពេញទស្សនកិច្ចនៅវៀតណាមដើម្បីពិនិត្យតាមកាលកំណត់នៃ“កម្មវិធីត្រួតពិនិត្យសុវត្ថិភាពសំរាប់អាហារត្រី និងផលិតផលត្រី Siluriformes ដែលនាំចេញទៅទីផ្សារសហរដ្ឋអាមេរិក”៕
បកប្រែដោយ Thuy Anh