វៀតណាមនិងនេប៉ាល់ជំរុញកិច្ចសហប្រតិបត្តិការលើវិស័យជាច្រើន
កប.អនឡាញ - ក្នុងក្របខ័ណ្ឌនៃដំណើរទស្សនកិច្ចជាផ្លូវការនៅប្រទេសវៀតណាមរបស់នាយករដ្ឋមន្ត្រីនេប៉ាល់លោក KP Sharma Oli និងលោកជំទាវពីថ្ងៃទី៩ដល់ថ្ងៃទី១៣ ខែឧសភា តាមការអញ្ជើញរបស់នាយករដ្ឋមន្ត្រីវៀតណាមលោក Nguyen Xuan Phuc នារសៀលថ្ងៃទី១០ ឧសភា នៅទីក្រុងហាណូយ លោកនាយករដ្ឋមន្ត្រី KP Sharma Oli បានចូលរួមវេទិកាធុរកិច្ចរវាងវៀតណាមនិងនេប៉ាល់។
    |
 |
|
ទិដ្ឋភាពនៃវេទិកាធុរកិច្ចរវាងវៀតណាមនិងនេប៉ាល់ (រូបថត៖ baodautu.vn) |
វេទិកានេះត្រូវបានរៀបចំឡើងដោយសភាពាណិជ្ជកម្ម និងឧស្សាហកម្មវៀតណាម (VCCI) សហការជាមួយសភាពាណិជ្ជកម្មនេប៉ាល់ (NCC)។ នេះជាឱកាសមួយសម្រាប់ភាគីទាំងពីរវាយតម្លៃលើកិច្ចសហប្រតិបត្តិការសេដ្ឋកិច្ចក្នុងរយៈពេលកន្លងមក និងបង្កើនកិច្ចសហប្រតិបត្តិការលើវិស័យវិនិយោគ ពាណិជ្ជកម្ម និងទេសចរណ៍ថែមទៀត ជាពិសេសក្នុងវិស័យទេសចរណ៍ខាងជំនឿអរូបិយក្នុងពេលខាងមុខនេះ។
លោកនាយករដ្ឋមន្ត្រី KP Sharma Oli បានគូសបញ្ជក់ថា វៀតណាមគឺជាដៃគូសំខាន់មួយរបស់នេប៉ាល់។ ជាមួយគ្នានោះ វៀតណាមនិងនេប៉ាល់មានទំនាក់ទំនងមិត្តភាពដ៏ល្អប្រសើរ ហើយសង្ឃឹមថាប្រទេសទាំងពីរនឹងទាញយកអត្ថប្រយោជន៍ពីវេទិកានេះដើម្បីស្វែងរកឱកាសសហប្រតិបត្ដិការក្នុងពេលខាងមុខ។
លោក Vu Tien Loc ប្រធាន VCCI បានឲ្យដឹងថា ទំនាក់ទំនងរវាងវៀតណាមនិងនេប៉ាល់មានការអភិវឌ្ឍឥតឈប់ឈរក្នុងរយៈពេលកន្លងមក ហើយសក្តានុពលពាណិជ្ជកម្មនិងវិនិយោគនៃប្រទេសទាំងពីរនៅតែមានច្រើនដែរ ព្រមទាំងប្រទេសទាំងពីរមានភាពស្រដៀងគ្នាលើជំនឿ វប្បធម៌ ដូច្នេះនេះគឺជាលក្ខណៈងាយស្រួលដើម្បីបង្កើនកិច្ចសហប្រតិបត្តិការលើវិស័យទេសចរណ៍ ជាពិសេសវិស័យទេសចរណ៍ខាងវិញ្ញាណ៕
បកប្រែដោយ Pham Diep