យុវជនវៀតណាមនៅតំបន់ Kansai៖ ភ្ជាប់សហគមន៍ ផ្សព្វផ្សាយអត្តសញ្ញាណជាតិ

ថ្លែងនៅក្នុងកម្មវិធី លោក Ngo Trinh Ha អគ្គកុងស៊ុល បានសង្កត់ធ្ងន់លើតួនាទីដ៏សំខាន់របស់យុវជនវៀតណាមនៅបរទេសក្នុងការរក្សាអត្តសញ្ញាណវប្បធម៌ជាតិ ព្រមទាំជាកម្លាំងឈានទៅមុខក្នុងការរៀនសូត្រ ការស្រាវជ្រាវ និងការធ្វើសមាហរណកម្មអន្តរជាតិផងដែរ។ ស្ថានអគ្គកុងស៊ុលបានវាយតម្លៃខ្ពស់ចំពោះកិច្ចខិតខំប្រឹងប្រែងរបស់សមាគមនានាក្នុងការរៀបចំសកម្មភាពជាក់ស្តែងជាច្រើន រួមចំណែកដល់ការតភ្ជាប់សហគមន៍ និងផ្សព្វផ្សាយតម្លៃវប្បធម៌ប្រពៃណីរបស់វៀតណាម។

ប្រតិភូចូលរួមពិធី (រូបថត៖ vovworld.vn)

តាងនាមគណៈកម្មាធិការយុវជននៃសមាគម លោក Nguyen Le Huy បានចែករំលែកគំនិតអំពីការទទួលខុសត្រូវរបស់យុវជនជំនាន់ក្រោយក្នុងការអភិរក្សភាសាវៀតណាម ការជម្រុញសកម្មភាពច្នៃប្រឌិត ស្រាវជ្រាវ និងបង្កើនការផ្លាស់ប្តូរវប្បធម៌វៀតណាម-ជប៉ុន។ ការចែករំលែកទាំងនេះបានបង្ហាញពីស្មារតីសកម្មនៃការធ្វើសមាហរណកម្ម បំណងប្រាថ្នាចង់ចូលរួមចំណែក និងផ្សព្វផ្សាយរូបភាពនៃប្រទេសវៀតណាមទៅកាន់ពិភពលោក។

កម្មវិធីនេះក៏ជាវេទិកាសម្រាប់សមាគម និងអង្គការយុវជនផ្លាស់ប្តូរ និងចែករំលែកបទពិសោធន៍ក្នុងការអភិវឌ្ឍសកម្មភាពសហគមន៍ ជួយគាំទ្រយុវជនក្នុងការលើកកម្ពស់តួនាទីជា "ឯកអគ្គរដ្ឋទូតវប្បធម៌" ក្នុងបរិបទនៃសកលភាវូបនីយកម្ម។

កម្មវិធីបានបញ្ចប់ក្នុងបរិយាកាសកក់ក្តៅ សាមគ្កីភាព ដែលបញ្ជាក់ពីតួនាទីរបស់យុវជនវៀតណាមនៅតំបន់ Kansai ក្នុងការរក្សាអត្តសញ្ញាណវប្បធម៌ ជម្រុញការធ្វើសមាហរណកម្មអន្តរជាតិ និងរួមចំណែកវិជ្ជមានដល់ការអភិវឌ្ឍសហគមន៍វៀតណាមនៅបរទេស ក៏ដូចជានៅក្នុងស្រុកកំណើត៕

បកប្រែដោយ Thuy Anh