ពិធីបំផុសជ្រោមជ្រែងសប្តាហ៍សមុទ្រ និងកោះវៀតណាមថ្នាក់ជាតិនឹងប្រព្រឹត្តទៅនាយប់ថ្ងៃទី ៦ ខែមិថុនា នៅទីលាន Ho Chi Minh ទីក្រុង Dong Hoi (ខេត្ត Quang Binh) ក្រោមប្រធានបទ “បច្ចេកវិទ្យាបៃតងដើម្បីមហាសមុទ្រប្រកបដោយនិរន្តរភាព”។ នៅថ្ងៃដដែល សិក្ខាសាលាជាច្រើននឹងប្រព្រឹត្តទៅដោយផ្តោតលើការអភិវឌ្ឍសេដ្ឋកិច្ចសមុទ្រ ថាមពលខ្យល់នៅឆ្នេរសមុទ្រ ការអនុវត្តបញ្ញាសិប្បនិម្មិតក្នុងការផ្សព្វផ្សាយអំពីបរិស្ថាន និងពិព័រណ៍ផលិតផលសេដ្ឋកិច្ចសមុទ្រនៅមូលដ្ឋាន។

នាព្រឹកថ្ងៃទី ១ ខែមិថុនា ពិធីមិទិ្ទញជ្រោមជ្រែងទិវាបរិស្ថានពិភពលោកថ្នាក់ជាតិ នឹងប្រព្រឹត្តទៅនៅទីលាន ៣០-១០ ទីក្រុង Ha Long (ខេត្ត Quang Ninh) ដែលរៀបចំដោយកាសែតកសិកម្មនិងបរិស្ថាន។

leftcenterrightdel
លោក Le Minh Ngan មានប្រសាសន៍ក្នុងសន្និសីទសារព័ត៌មាន

ក្នុងសន្និសីទសារព័ត៌មាន លោក Le Minh Ngan អនុរដ្ឋមន្ត្រីក្រសួងកសិកម្ម និងបរិស្ថានវៀតណាម បានថ្លែងអំណរគុណចំពោះទីភ្នាក់ងារសារព័ត៌មាន និងប្រតិភូ ដែលបានរួមដំណើរ និងផ្សព្វផ្សាយអំពីការខិតខំប្រឹងប្រែងការពារបរិស្ថាន សមុទ្រ និងកោះនៃប្រទេស និងផ្នែកនាពេលកន្លងមក។

តាមរយៈសិក្ខាសាលា សកម្មភាពសហគមន៍ និងការផ្តួចផ្តើមគំនិតផ្លាស់ប្តូរថ្មី ក្រសួងកសិកម្មនិងបរិស្ថានរំពឹងថា គំរូសេដ្ឋកិច្ចសមុទ្របៃតងត្រូវបានពង្រីក មិនត្រឹមតែក្នុងទូទាំងប្រទេសប៉ុណ្ណោះទេ ថែមទាំងក្រៅប្រទេសទៀតផង។ ការចូលរួមយ៉ាងសកម្ម និងប្រកបដោយច្នៃប្រឌិតរបស់អង្គការ ធុរកិច្ច សហគមន៍ និងប្រជាជនម្នាក់ៗ គឺជាកម្លាំងចលករដើម្បីសម្រេចបាននូវគោលដៅកសាងមហាសមុទ្រដែលមានសុវត្ថិភាព និងអភិវឌ្ឍប្រកបដោយនិរន្តរភាព។

លោក Le Minh Ngan បានអំពាវនាវឱ្យក្រសួង ស្ថាប័ន មូលដ្ឋាន ធុរកិច្ច និងប្រជាជន ទីភ្នាក់ងារសារព័ត៌មាន អង្គការសង្គមនានាធ្វើសកម្មភាពដើម្បីបរិស្ថានក្នុងគ្រប់ផែនការអភិវឌ្ឍន៍សេដ្ឋកិច្ចសង្គម ទៅឈានមុខក្នុងការផ្លាស់ប្ដូរផលិតកម្ម អភិវឌ្ឍសម្ភារៈដែលមិនប៉ះពាល់ដល់បរិស្ថាន រួមដំណើរក្នុងការអប់រំនិងផ្សព្វផ្សាយ ដើម្បីពង្រីករបៀបរស់នៅបៃតង និងការប្រើប្រាស់ប្រកបដោយនិរន្តរភាព៕

បកប្រែដោយ Thanh Cong