ភូមិ Khuoi Lung ជាកន្លែងរស់នៅរបស់គ្រួសារចំនួន ២៩ គ្រួសារ និងមានប្រជាជន ១០៤ នាក់ ដែលក្នុងនោះ ១០០% ជាជនជាតិភាគតិច។ ដោយមានស្មារតីទទួលខុសត្រូវខ្ពស់ ឆ្នាំ២០១៣ លោក Trieu Dinh Quang ត្រូវបានប្រជាជនជឿទុកចិត្ដ​បោះឆ្នោតជ្រើសតាំងជាមេភូមិ Khuoi Lung។

លោក Trieu Dinh Quang បានចែករំលែកថា៖ “គ្រាដំបូងខ្ញុំមានសម្ពាធខ្លាំងណាស់ ព្រោះខ្ញុំនៅក្មេង ទើបតែមានអាយុជាង ២០ ឆ្នាំមកម៉្លោះ ហើយគ្មានបទពិសោធន៍ ខ្ញុំខ្លាចមនុស្សមិនស្តាប់ធ្វើតាម។ ប៉ុន្តែបន្ទាប់មកដោយមានការលើកទឹកចិត្តពីគ្រប់គ្នា និងអាជ្ញាធរឃុំ ខ្ញុំបានខិតខំអស់ពីសមត្ថភាពចូលរួមចំណែកក្នុងការអភិវឌ្ឍរបស់ភូមិ  និងត្រូវបានប្រជាពលរដ្ឋជឿទុកចិត្ត”។

leftcenterrightdel
លោក Trieu Dinh Quang នៅលើផ្លូវធ្វើដំណើរទៅកាន់ភូមិ Pic Cay

លោក Trieu Dinh Quang បាននាំយើងខ្ញុំធ្វើដំណើរតាមផ្លូវភូមិដែលទើបសាងសង់រួចរាល់នៅឆ្នាំ ២០២៣ ដែលមានឈ្មោះ​ថា "ផ្លូវ Nhan Ai"។ ផ្លូវនេះមានប្រវែងជិត ៣ គីឡូម៉ែត្រ ឆ្ពោះទៅភូមិ Pic Cay។ នៅភូមិ Pic Cay មានតែ ៤ គ្រួសារប៉ុណ្ណោះ ដូច្នេះការចលនាប្រជាពលរដ្ឋរួមដៃធ្វើផ្លូវមិនទទួលបានការគាំទ្រនោះទេ ពីព្រោះគ្រួសារជាច្រើនមិនធ្វើដំណើរទៅធ្វើស្រែ​ដោយផ្លូវនេះ។ ទោះយ៉ាងណាក៏ដោយ តាមរយៈកិច្ចប្រជុំភូមិ ការចលនា និងការឃោសនានៅតាមផ្ទះផ្ទាល់ លោក Quang និងអង្គការមហាជនក្នុងភូមិបានវិភាគអំពីផលប្រយោជន៍នៅពេលធ្វើផ្លូវធ្វើដំណើរ អាស្រ័យហេតុនេះប្រជាពលរដ្ឋបានយល់ព្រម និងចូលរួមយ៉ាងសកម្ម។

លោក Trieu Dinh Quang ចែករំលែកថា “ការធ្វើផ្លូវនេះគឺពិបាកខ្លាំងណាស់ មានកំណាត់ផ្លូវនៅខ្ពស់ ដែលប្រជាពលរដ្ឋត្រូវយកទឹកមកលាយបាយអយ៉ាងលំបាក។ ខ្ញុំធ្វើផ្លូវជាមួយប្រជាពលរដ្ឋរាល់ថ្ងៃដើម្បីលើកទឹកចិត្តអ្នកទាំងអស់គ្នា”។ មិនត្រឹមតែផ្លូវទៅកាន់ភូមិ Pic Cay ប៉ុណ្ណោះទេ អ្នកភូមិ Khuoi Lung បានរួមកម្លាំងចូលរួមធ្វើសំណង់ជាច្រើនទៀតដូចជា ស្ពាន ផ្ទះប្រជុំរបស់ភូមិ... ក្រៅពីនេះ ភូមិ Khuoi Lung ក៏ជាភូមិឈានមុខគេក្នុងការការពារព្រៃឈើរបស់ឃុំ My Phuong ទៀតផង។ ជាមួយគ្នានោះ ដោយការធ្វើសេដ្ឋកិច្ចពូកែ គ្រួសារជាច្រើនបានរួចផុតពីភាពក្រីក្រ។ បច្ចុប្បន្ន ភូមិ Khuoi Lung មានគ្រួសារក្រីក្រត្រឹមតែ ៨ គ្រួសារ និងគ្រួសារកៀកនឹងបន្ទាត់នៃភាពក្រីក្រចំនួន ១០ ប៉ុណ្ណោះ។ លទ្ធផលខាងលើគឺអាស្រ័យការរួមចំណែកយ៉ាងសំខាន់របស់មេភូមិវ័យក្មេង Trieu Dinh Quang។

លោក Trieu Dinh Quang តែងតែខិតខំឃោសនានិងឈានទៅមុខក្នុងការដើរល្បាតការពារព្រៃឈើ និងសហការជាមួយលេខាភូមិ ចលនាប្រជាពលរដ្ឋចូលរួមវិភាគទានកសាងខ្លោងទ្វារភូមិដើម្បីការពារព្រៃឈើ។ ចាប់ពីពេលមានខ្លោងទ្វារនេះ មុខសញ្ញាកាប់បំផ្លាញព្រៃឈើខុសច្បាប់មិនអាចចូលព្រៃបានងាយស្រួលឡើយ។ លោក Hoang Van Thai អនុប្រធានគណៈកម្មាធិការប្រជាជនឃុំ My Phuong ឲ្យដឹងថា៖ ទោះបីជា “លោក Trieu Dinh Quang នៅក្មេងក៏ដោយ ក៏គាត់តែងតែធ្វើការប្រកបដោយការទទួលខុសត្រូវ និងឈានមុខគេក្នុងរាល់សកម្មភាពឃោសនា និងចលនាប្រជាពលរដ្ឋកសាងជនបទថ្មី និងថែរក្សាព្រៃឈើ៕

បកប្រែដោយ Pham Diep