សកម្មភាពជាច្រើនជួយជ្រោមជ្រែងទិវាកុមារអន្តរជាតិ (ថ្ងៃទី ១ ខែមិថុនា) និងខែធ្វើសកម្មភាពដើម្បីកុមារវៀតណាមឆ្នាំ ២០២៣

បន្ទាប់ពីពីរខែបំផុសការប្រឡង គណៈកម្មាធិការរៀបចំបានទទួលគំនូរជាង ៣៨ ពាន់ផ្ទាំងរបស់អង្គភាពសាលា អគារវប្បធម៌កុមារ និងមជ្ឈមណ្ឌលវិចិត្រសិល្បៈនៃខេត្តក្រុងចំនួន៤៤ ផ្ញើមកចូលរួម។

លោក Ta Quang Dong អនុរដ្ឋមន្ត្រីក្រសួងវប្បធម៌ កីឡា និងទេសចរណ៍ ប្រគល់រង្វាន់ទី១ នៃការប្រឡងនិងពិព័រណ៍គំនូរកុមារនៅទូទាំងប្រទេស ឆ្នាំ២០២៣ (រូបថត៖ vnanet.vn)

កាលពីម្សិលមិញផងដែរ ខេត្ត Tra Vinh បានបំផុសខែធ្វើសកម្មភាពដើម្បីកុមារឆ្នាំ២០២៣ ដោយប្រធានបទ “រួមដៃគ្នាកាត់បន្ថយគ្រោះថ្នាក់ដល់កុមារ”។ លោក Le Thanh Binh អនុប្រធានគណៈកម្មាធិការប្រជាជនខេត្ត Tra Vinh បានឲ្យដឹងថា៖ “នៅក្នុងឱកាសនៃខែធ្វើសកម្មភាពដើម្បីកុមារ អាជ្ញាធរគ្រប់ជាន់ថ្នាក់ សមូហភាព អង្គការនយោបាយ និងសង្គមចូលរួមយ៉ាងសកម្មក្នុងសកម្មភាពធានាសិទ្ធិកុមារ ជាពិសេសសិទ្ធិទទួលបានការថែទាំសុខភាព ការលេងកំសាន្ត; រៀបចំសកម្មភាពជួយ ឧបត្ថម្ភ ចុះសួរសុខទុក្ខ ផ្តល់អំណោយ អាហារូបករណ៍ ហើយជួយពិនិត្យ និងព្យាបាលជំងឺដល់កុមារក្រីក្រ កុមារជនជាតិភាគតិច កុមារដែលមានកាលៈទេសៈពិសេស កុមារកំព្រា ជួយឧបត្ថម្ភគំរូការពារ និងបង្ការប្រឆាំងគ្រោះថ្នាក់ដល់កុមារ”។

នៅទីក្រុង Can Tho មជ្ឈមណ្ឌលជួយឧបត្ថម្ភសិស្សានុសិស្ស-និស្សិតទីក្រុង Can Tho បានសហការជាមួយអង្គភាពដៃគូ រៀបចំកម្មវិធី "រថយន្តក្រុងនៃក្ដីសុបិន - តភ្ជាប់សេចក្ដីស្រឡាញ់"។ តាមនោះ មជ្ឈមណ្ឌលបានរៀបចំដំណើរចុះសួរសុខទុក្ខ និងផ្តល់អំណោយដល់អ្នកជំងឺ កុមារ ចំនួន ១៥០ នាក់ដែលកំពុងសម្រាកព្យាបាលនៅមន្ទីរពេទ្យឈាមវិទ្យា និងបញ្ចូលឈាម Can Tho; រៀបចំកម្មវិធី "រាត្រីនៃក្តីស្រឡាញ់" ជាមួយនឹងកម្មវិធីវសិល្បៈដ៏សម្បូរបែប សកម្មភាពទទួលបទពិសោធន៍ជាក់ស្តែង និងអំណោយដ៏មានអត្ថន័យ ព្រមទាំងបានផ្តល់អំណោយដល់កុមារចំនួន ១៣៥ នាក់ ដែលមានស្ថានភាពលំបាកផងដែរ៕

តាម vovworld.vn