សកម្មភាពជាច្រើនរំលឹកខួបលើកទី ៦០ នៃការបើកផ្លូវហូជីមិញនៅលើសមុទ្រ

លោក Nguyen Tuong Lam លេខាគណៈកម្មាធិការមជ្ឈិមសម្ព័ន្ធយុវជនថ្លែងនៅក្នុងពិធី

នេះជាឱកាសសម្រាប់ការឃោសនានិងអប់រំសមាជិកនិងយុវជនអំពីប្រវត្តិសាស្ត្រ និងប្រពៃណីវីរភាពរបស់ប្រជាជាតិ កងទ័ព និង​កងទ័ពជើងទឹកប្រជាជនវៀតណាមក្នុងបុព្វហេតុតស៊ូរំដោះប្រទេសជាតិ ក៏ដូចជាសារៈសំខាន់យុទ្ធសាស្ត្រនៃផ្លូវហូជីមិញ នៅលើសមុទ្រ។ ដោយហេតុនេះ បង្កើនស្មារតីទំនួលខុសត្រូវរបស់យុវជនក្នុងការបំពេញភារកិច្ច រួមចំណែកការពារយ៉ាងរឹងមាំនូវអធិបតេយ្យភាពកោះសមុទ្ររបស់ប្រទេសជាតិក្នុងស្ថានភាពថ្មី។ ដោយសារការវិវឌ្ឍដ៏ស្មុគស្មាញនៃការរីករាលដាលនៃជំងឺ Covid-19 គណៈកម្មការរៀបចំបានផ្តោតសំខាន់លើការផ្សព្វផ្សាយកម្មវិធី និងសកម្មភាពនានានៅតាមបណ្តាញសង្គម។

ទិដ្ឋភាពនៃពិធីបំផុសបំផុលនៅទីក្រុងហាណូយ

នៅខែតុលា ឆ្នាំ២០២១ សម្ព័ន្ធយុវជនគ្រប់ជាន់ថ្នាក់គ្រោងនឹងរៀបចំសកម្មភាពនយោបាយ ក្រោមប្រធានបទ “៦០ ឆ្នាំ- រឿងព្រេងនិទានផ្លូវហូជីមិញនៅលើសមុទ្រ” តាមរយៈសិក្ខាសាលា និងវេទិកាតាមប្រព័ន្ធវីដេអូដែលមានខ្លឹមសារដូចតទៅ៖ ការស្វែង​យល់អំពីប្រវត្តិសាស្រ្តប្រពៃណីវីរភាពរបស់ប្រជាជាតិ កងទ័ព និងកងទ័ពជើងទឹកប្រជាជនវៀតណាមក្នុងការតស៊ូប្រឆាំងចក្រពត្តិអាមេរិកដើម្បីសង្រ្គោះជាតិ; យុទ្ធជ័យនៃនាវាគ្មានលេខនៅលើផ្លូវហូជីមិញតាមសមុទ្រ៕

បកប្រែដោយ Huyen Trang