កាសែតកងទ័ពប្រជាជនវៀតណាមរៀបចំការប្រកួតកីឡាក្នុងឱកាសរំលឹកខួបលើកទី៧០ នៃថ្ងៃប្រពៃណី

តំណាងថ្នាក់ដឹកនាំកាសែតប្រគល់ទង់និងផ្កាដល់តំណាងក្រុមចូលរួមការប្រកួតកីឡា

មានប្រសាសន៍ក្នុងពិធីបើកការប្រកួត លោកវរសេនីយ៍ឯក Do Phu Tho អគ្គនិពន្ធនាយករងកាសែតកងទ័ពប្រជាជនសង្កត់ធ្ងន់ថា ការប្រកួតកីឡាគឺជាសកម្មភាពមួយក្នុងចំណោមសកម្មភាពអបអរសាទរខួបលើកទី៧០ នៃថ្ងៃប្រពៃណីកាសែតកងទ័ពប្រជាជន បង្កើតឱកាសសម្រាប់អ្នកសារព័ត៌មាននៃកាសែតចូលរួមសកម្មភាពនានា សំដៅជម្រុញការហាត់ប្រាណ លើកកម្ពស់សុខភាព ព្រមទាំងពង្រីកសាមគ្គីភាព ការតភ្ជាប់ ការរៀនសូត្ររវាងអ្នកសារព័ត៌មាន យុទ្ធជន និងពលករនៃកាសែត។

កីឡាករជាង ១០០ នាក់ ដែលជាអ្នកសារព័ត៌មាន យុទ្ធជន និងពលករនៃកាសែតចូលរួមការប្រកួត  ៣ វិញ្ញាសារគឺបាល់ទាត់ ទាញព្រ័ត្រ និងពីងប៉ុង៕

បកប្រែដោយ Thuy Anh