ជំរុញពាណិជ្ជកម្មវៀតណាមនៅទីផ្សារឥណ្ឌានិងនេប៉ាល់

ផលិតផលមួយចំនួនរបស់វៀតណាមត្រូវបានតាំងបង្ហាញនៅឥណ្ឌា (រូបថត៖ Vietrade)

លោក Le Hoang Tai អនុប្រធាននាយកដ្ឋានជំរុញពាណិជ្ជកម្ម បានឱ្យដឹងថា ឥណ្ឌាជាទីផ្សារធំមួយនៅអាស៊ីខាងត្បូង និងមានប្រជាជនជិត ១,៤ ពាន់លាននាក់។ ឥណ្ឌាជាដៃគូពាណិជ្ជកម្មធំទី ១០ របស់វៀតណាម។ សម្រាប់ទីផ្សារនេប៉ាល់ ទោះបីទំហំពាណិជ្ជកម្មទ្វេភាគីនៅមានកម្រិតក៏ដោយក៏ប៉ុន្ដែការធ្វើអាជីវកម្មរបស់ភាគីទាំងពីរមានភាពស្រដៀងគ្នា។

កាលពីមុន វៀតណាមជាប្រទេសនាំចូលលើសការនាំចេញក្នុងតុល្យភាពពាណិជ្ជកម្មវៀតណាម - ឥណ្ឌា ប៉ុន្ដែតាំងពីឆ្នាំ ២០១៨ មក វៀតណាមបាននាំចេញហួសការនាំចូលក្នុងរយៈពេល ៤ ខែដើមឆ្នាំ ២០២០ វៀតណាមបាននាំចេញលើសការនាំចូលជាង ៣០០ លានដុល្លារអាមេរិក។ ទំនិញវៀតណាមជាច្រើនមានសក្តានុពលនាំចេញទៅប្រទេសឥណ្ឌាដូចជា ផ្លែស្រកានាគ ស្វាយចន្ទី ម្រេច .... ក្នុងនោះមុខទំនិញអេឡិចត្រូនិច វាយនភ័ណ្ឌ មេកានិចនៅមានឱកាសសហប្រតិបត្ដិការជាច្រើន។

នៅឯសិក្ខាសាលា វាគ្មិនទាំងឡាយបានវិភាគលើបញ្ហាជាច្រើនក្នុងទំនាក់ទំនងពាណិជ្ជកម្មវៀតណាម - ឥណ្ឌានិងនេប៉ាល់ហើយបានចែករំលែកនូវការជ្រៀតចូលនិងអភិវឌ្ឍទីផ្សារនៅឥណ្ឌានិងនេប៉ាល់សម្រាប់ផលិតផលដែលមានសក្ដានុពលរបស់​វៀតណាម។ លោក Bui Trung Thuong តំណាងពាណិជ្ជកម្មវៀតណាមប្រចាំនៅឥណ្ឌាបានជូនដំណឹងអំពីស្ថានភាព និងទស្សនវិស័យនៃការនាំចេញទំនិញរបស់វៀតណាមទៅកាន់ប្រទេសឥណ្ឌានិងនេប៉ាល់។ សហគ្រាសវៀតណាមមួយចំនួនដែលកំពុងធ្វើអាជីវកម្មនៅឥណ្ឌានិងនេប៉ាល់បានផ្លាស់ប្តូរបទពិសោធន៍នៃការធ្វើអាជីវកម្មនៅទីផ្សារសំខាន់ទាំងពីរនេះ។

ទន្ទឹមនឹងនោះ សហគមន៍សហគ្រាសវៀតណាមប្រចាំនៅប្រទេសទាំងពីរនេះ រួមចំណែកយ៉ាងសំខាន់ដើម្បីទំនិញវៀតណាមចូលមកទីផ្សារឥណ្ឌានិងនេប៉ាល់។ សហគមន៍នេះក៏ជាបណ្តាញសហប្រតិបត្ដិការដ៏សំខាន់មួយសម្រាប់សហគ្រាសក្នុងស្រុកជំរុញការនាំចេញទំនិញវៀតណាមចូលទៅកាន់ទីផ្សារឥណ្ឌានិងនេប៉ាល់៕

បកប្រែដោយ Thanh Cong