វៀតណាមបញ្ជូនពលរដ្ឋរបស់ខ្លួនចំនួន ២០០ នាក់ ពីប្រទេសអ៊ឺរ៉ុបមួយចំនួនត្រឡប់មកប្រទេសវិញ
កប.អនឡាញ - នាថ្ងៃទី ១៥ និងថ្ងៃទី ១៦ ខែឧសភា ឆ្នាំ២០២០ ស្ថាប័នមានសមត្ថកិច្ចវៀតណាម និងស្ថានតំណាងវៀតណាមប្រចាំនៅអឺរ៉ុប (អេស្ប៉ាញ អាល្លឺម៉ង់ ស្វ៊ីស ... ) និងក្រុមហ៊ុនអាកាសចរណ៍ជាតិវៀតណាម បានសហការជាមួយអាជ្ញាធរដែនដីនៃប្រទេសសាមីដើម្បីបញ្ជូនពលរដ្ឋវៀតណាមចំនួន ២០០ នាក់ ពីប្រទេសអ៊ឺរ៉ុបមួយចំនួនត្រឡប់មកវៀតណាមវិញ។
    |
 |
|
ពលរដ្ឋវៀតណាមចំនួន ២០០ នាក់ បំពេញបែបបទនៅអាកាសយានដ្ឋាន (រូបថត៖ vov.vn) |
នេះគឺជាពលរដ្ឋដែលជួបការលំបាកនិងមានបំណងចង់វិលត្រឡប់មកប្រទេសវិញ ក្នុងនោះមានក្មេងក្រោម មនុស្សចាស់ អ្នកមានជំងឺប្រចាំកាយ ស្ត្រីមានផ្ទៃពោះ និងភ្ញៀវទេសចរ រួមទាំងកម្មករបានផុតកំណត់ទិដ្ឋាការ និងនិស្សិតបានបញ្ចប់ការសិក្សា ដែលកំពុងជាប់គាំងនៅប្រទេសសាមី ដោយសារជំងឺ Covid-19។
ភ្លាមៗបន្ទាប់ពីចុះចតនៅអាកាសយានដ្ឋានអន្តរជាតិដាណាំង ប្រទេសវៀតណាម ពលរដ្ឋទាំងនេះត្រូវបានពិនិត្យសុខភាពនិងបញ្ជូនទៅកន្លែងនៅដាច់ដោយឡែកពីគេ៕
បកប្រែដោយ Pham Diep