វៀតណាមបញ្ជូនពលរដ្ឋពីហ្វីលីពីនត្រឡប់មកប្រទេសវិញ
កប.អនឡាញ - នៅថ្ងៃទី ១៤ ខែឧសភា អនុវត្ដតាមការណែនាំរបស់នាយករដ្ឋមន្រ្តីវៀតណាម និងស្ថាប័នមានសមត្ថកិច្ច ស្ថានទូតវៀតណាមប្រចាំនៅហ្វីលីពីន ក្រុមហ៊ុនអាកាសចរណ៍ Bamboo Airways បានសហការជាមួយស្ថាប័នមានសមត្ថកិច្ចហ្វីលីពីន ដឹកពលរដ្ឋវៀតណាមចំនួនជិត ២០០ នាក់ពីប្រទេសហ្វីលីពីន ត្រឡប់មកប្រទេសវៀតណាមវិញ។
|
|
វៀតណាមបញ្ជូនពលរដ្ឋពីហ្វីលីពីនត្រឡប់មកប្រទេសវិញ (រូបថត៖ baoquocte.vn) |
ពលរដ្ឋទាំងនេះ រួមមានកុមារ ទារកស្ត្រីមានផ្ទៃពោះ មនុស្សមានជំងឺប្រចាំកាយ និងនិស្សិតគ្មានទីលំនៅដោយសារតែការបិទអន្ដេវាសិកដ្ឋាន រួមទាំងភ្ញៀវទេសចរត្រូវបានជាប់គាំងដោយសារតែផលប៉ះពាល់នៃការរីករាលដាលនៃ Covid-19 ។
បន្ទាប់ពីចុះចតនៅអាកាសដ្ឋានអន្ដរជាតិ Can Tho វៀតណាម ពលរដ្ឋទាំងនេះត្រូវបានពិនិត្យសុខភាព និងដាក់នៅដាច់ដោយឡែកពីគេ ហើយករណីដែលត្រូវបានរកឃើញមានផ្ទុកវីរុស SAR-CoV-2 នឹងត្រូវបានបញ្ជូនទៅមន្ទីរពេទ្យដើម្បីទប់ស្កាត់ការឆ្លងក្នុងសហគមន៍៕
បកប្រែដោយ Pham Diep