ធនាគារអភិវឌ្ឍន៍អាស៊ីត្រៀមខ្លួនជួយវៀតណាមក្នុងការទប់ទល់នឹងការរីករាលដាលនៃ Covid-19

លោក Masatsugu Asakawa ប្រធានធនាគារអភិវឌ្ឍន៍អាស៊ី (រូប​ថត៖ dangcongsan.vn)

គួររំលឹកថា ធនាគារនេះបានប្រកាសកញ្ចប់ជំនួយដំបូងដែលមានទឹកប្រាក់ចំនួន ៦,៥ ពាន់លានដុល្លារដើម្បីឆ្លើយតបទៅនឹងតម្រូវការបន្ទាន់របស់បណ្តាប្រទេសកំពុងអភិវឌ្ឍន៍ក្នុងការប្រយុទ្ធប្រឆាំងនឹងរោគរាតត្បាតនៃ Covid-19 ហើយនឹងបន្ត​ផ្តល់ជំនួយបន្ថែមតាមតម្រូវការ។ លោក Masatsugu Asakawa ប្រធានធនាគារអភិវឌ្ឍន៍អាស៊ីបានបញ្ជាក់ថា “ធនាគារអភិវឌ្ឍន៍អាស៊ីត្រៀមខ្លួនផ្តល់ជំនួយហិរញ្ញវត្ថុ និងផ្តល់​យោបល់ផ្នែកគោលនយោបាយដើម្បីជួយរដ្ឋាភិបាលវៀតណាមបញ្ឈប់ការរីករាលដាលនៃ Covid-19”។ លោក Asakawa បានវាយតម្លៃខ្ពស់ចំពោះប្រតិកម្មយ៉ាងឆាប់រហ័ស និងមានប្រសិទ្ធិភាពរបស់រដ្ឋាភិបាលវៀតណាម​ក្នុង​ការ​ប្រយុទ្ធប្រឆាំងនឹងជំងឺរាតត្បាតនេះ។ លោក​បានស្វាគមន៍ចំពោះការដែល​រដ្ឋាភិបាលវៀតណាមបាន​ផ្តោតសំខាន់ទៅ​លើការ​​រក្សាស្ថិរភាព​សេ​ដ្ឋកិច្ច និង​កំណើន​ក្នុងរយៈពេលមធ្យម និងវែង រួមទាំងការពង្រីកចំណាយលើការ​វិនិ​យោគ​សា​ធា​រ​ណៈ និងការបង្កើនការអនុវត្តប្រព័ន្ធសុខុមាលភាពសង្គមសម្រាប់គ្រួសារក្រីក្រដែលងាយរងគ្រោះផង​ដែរ​៕

បកប្រែដោយ Duy Hoan