សហគ្រាសវៀតណាមនៅកម្ពុជាធានាការងាធ្វើសម្រាប់ប្រជាជនដើមកំណើតវៀតណាមនៅកម្ពុជា
កប.អនឡាញ - នៅថ្ងៃទី ២ ខែមិថុនា បានប្រព្រឹត្តទៅជំនួបធ្វើការរវាងស្ថានទូតវៀតណាម សមាគមខ្មែរ-វៀតណាម និងគណៈនាយកក្រុមហ៊ុន THADI រួមជាមួយប្រជាជនដើមកំណើតវៀតណាមនៅកម្ពុជាក្នុងបំណងបង្កើតការងារធ្វើសម្រាប់សហគមន៍ប្រជាជនដើមកំណើតវៀតណាមដែលមានជីវភាពរស់នៅជួបការលំបាកនៅកម្ពុជា។
|
|
ប្រជាជនដើមកំណើតវៀតណាមនៅកម្ពុជាចូលរួមកម្មវិធី |
យោងតាមលោកអគ្គទីប្រឹក្សា Lai Xuan Chien ឲ្យដឹងថា នាបច្ចុប្បន្ននេះ ប្រជាជនដើមកំណើតវៀតណាមកំពុងរស់នៅគ្រប់ខេត្ត ក្រុងនៃប្រទេសកម្ពុជា ដែលច្រើនជាងគេគឺរាជធានីភ្នំពេញ និងខេត្តចំនួន ៥ នៅជុំវិញតំបន់បឹងទន្លេសាប។ ប្រជាជនដើមកំណើតវៀតណាមដែលរស់នៅតំតាមបន់ទីក្រុង ភាគច្រើនមានការងារធ្វើប្រកបដោយស្ថិរភាព ជីវភាពរស់នៅប្រចាំថ្ងៃត្រូវបានលើកកំពស់ជានិច្ច។ ក៏ប៉ន្តែ នៅតាមតំបន់ជនបទ តំបន់ឆ្ងាយដាច់ស្រយាល ជាពិសេសតំបន់ទន្លេសាប ជីវភាពរស់នៅរបស់ប្រជាជននៅតែជួបការលំបាកជាច្រើន។ ដូច្នេះ សកម្មភាពបណ្តុះបណ្តាលវិជ្ជាជីវៈនឹងជួយប្រជាជនឲ្យមានឱកាសថ្មីក្នុងការជ្រើសរើសការងារធ្វើប្រកបដោយស្ថិរភាព លើកកម្ពស់ជីវភាពរស់នៅរបស់ពួកគេ។
លោក Lai Xuan Chien បានមានប្រសាសន៍ថា៖ “ប្រជាជនមានការងារធ្វើផង និងរួមចំណែកក្នុងការអភិវឌ្ឍសហគ្រាសវៀតណាមនៅកម្ពុជាផង។ លើសពីនេះទៅទៀត ក្រុមហ៊ុនក៏បានជ្រើសរើសប្រជាជនកម្ពុជាឱ្យចូលធ្វើការនៅសហគ្រាសរបស់ខ្លួនផងដែរ។ បណ្តាក្រុមហ៊ុនវៀតណាមធ្វើការល្អនៅកម្ពុជាគឺជាស្ពានតភ្ជាប់សម្រាប់ជម្រុញទំនាក់ទំនងរវាងប្រទេសទាំងពីរឲ្យមានការអភិវឌ្ឍកាន់តែរីកចម្រើនថែមទៀត”៕
បកស្រែដោយ Duy Hoan