គណៈកម្មការដឹកនាំលេខ ៥១៥ យោធភូមិភាគទី៧ កងទ័ពប្រជាជន​វៀត​ណាម​បំពេញ​ទស្សកនកិច្ច​ការងារ​នៅកម្ពុជា

ក្នុងដំណើរទស្សនកិច្ចការងារនេះ លោកឧត្តមសេនីយ៍ត្រី Tran Vinh Ngoc និងគណៈប្រតិភូយោធភូមិភាគទី៧ បានថ្លែងអំណរគុណចំពោះគណៈកម្មការជំនាញយោធភូមិភាគនានា  គណៈកម្មការជំនាញតាមបណ្តាខេត្ត និងអនុតំបន់ប្រតិបត្តិការសឹករងនានានៃកងយោធពលខេមរភូមិន្ទ ដែលបានជួយ និងបង្កលក្ខណៈងាយស្រួលសម្រាប់ក្រុមជំនាញយោធភូមិភាគទី៧ក្នុងការបំពេញភារកិច្ចស្វែងរក និងប្រមូលអដ្ឋិធាតុយុទ្ធជនពលី។​ លោកអនុប្រធាននយោបាយយោធភូមិភាគទី៧ សង្ឃឹមថា នាពេលខាងមុខ អង្គភាពមិត្តភាពនឹងបន្តរួមដំណើរ និងជំរុញការផ្សារភ្ជាប់ប្រភពព័ត៌មានដ៏មានតម្លៃ បង្កើតលក្ខខណ្ឌសម្រាប់ក្រុម K នៃយោធភូមិភាគទី៧។

លោកឧត្តមសេនីយ៍ត្រី Tran Vinh Ngoc អនុប្រធានគណៈកម្មាធិការនយោបាយយោធភូមិភាគទី៧ (ឆ្វេង) បានប្រគល់ថវិការបស់រដ្ឋាភិបាលវៀតណាមជួយដល់គណៈកម្មការជំនាញយោធភូមិភាគទី៥ (កងយោធពលខេមរភូមិន្ទ)

ក្នុងឱកាសនេះ គណៈកម្មការដឹកនាំលេខ ៥១៥ យោធភូមិភាគទី៧ និងគណៈកម្មការលេខ ៥១៥ ខេត្ត Long An បានប្រគល់ថវិកាពីរដ្ឋាភិបាលវៀតណាម ដើម្បីជួយដល់គណៈកម្មការជំនាញយោធភូមិភាគ និងគណៈកម្មការជំនាញខេត្តប៉ៃលិន និងខេត្តបាត់ដំបង ដែលកំពុងសម្របសម្រួលអនុវត្តភារកិច្ចប្រមូលអដ្ឋិធាតុកងទ័ពស្ម័គ្រចិត្តវៀតណាម និងអ្នកជំនាញដែលបានពលីជីវិតនៅកម្ពុជា។

តំណាងបញ្ជាការដ្ឋានយោធភូមិភាគទី៥ និងយោធភូមិភាគពិសេស (កងយោធពលខេមរភូមិន្ទ) បានសម្តែងការយល់ព្រម និងឯកភាពបន្តរក្សាសាមគ្គីភាព និងជួយដល់ក្រុម K នៃយោធភូមិភាគទី៧ ក្នុងការងាររុករក  ប្រមូល និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាម។

ក្នុងឱកាសនេះដែរ បញ្ជាការដ្ឋានយោធភូមិភាគទី៥ និងយោធភូមិភាគពិសេស (កងយោធពលខេមរភូមិន្ទ) បានផ្ញើសារជូនពរឆ្នាំថ្មី និងជូនអំណោយដល់បញ្ជាការដ្ឋានយោធភូមិភាគទី៧ និងបញ្ជាការដ្ឋានយោធាខេត្ត Long An ក្នុងឱកាសបុណ្យចូលឆ្នាំថ្មីប្រពៃណីជាតិវៀតណាម ឆ្នាំ២០២៥។

បកប្រែដោយ Duy Hoan