បញ្ជាការដ្ឋានយោធាខេត្ដ An Giang ជូនពរឆ្នាំថ្មីដល់បណ្ដាអង្គភាពនៃកងយោធពលខេមរភូមិន្ទ
កប.អនឡាញ - ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ ចាប់ពីថ្ងៃទី ៩ ដល់ថ្ងៃទី ១២ ខែមេសា គណៈប្រតិភូបញ្ជាការដ្ឋានយោធាខេត្ត An Giang វៀតណាម ដឹកនាំដោយលោកវរសេនីយ៍ឯក Thach Thanh Tu មេបញ្ជាការបញ្ជាការដ្ឋានយោធាខេត្ដ បានអញ្ជើញទៅសួរសុខទុក្ខ និងជូនពរឆ្នាំថ្មីដល់បណ្ដាអង្គភាពនៃកងយោធពលខេមរភូមិន្ទ។
ក្នុងបរិយាកាសស្និទ្ធស្នាលស្និទ្ធស្នាល គណៈប្រតិភូបញ្ជាការដ្ឋានយោធាខេត្ត An Giang បានជូនពរឆ្នាំថ្មីដល់នាយទាហាន នាយទាហានរង ពលទាហាន ជួបតែសេចក្តីសុខ សេចក្តីចម្រើន សុភមង្គល និងជោគជ័យគ្រប់ភារកិច្ច។
ក្នុងឱកាសនេះ ភាគីទាំងពីរក៏បានជម្រាបជូនគ្នាទៅវិញទៅមកអំពីស្ថានភាពសេដ្ឋកិច្ចសង្គម ការពារជាតិ សន្ដិសុខនិងលទ្ធផលនៃការអនុវត្តការងារយោធា និងការពារជាតិនាពេលថ្មីៗនេះ។
|
|
លោកវរសេនីយ៍ឯក Thach Thanh Tu មេបញ្ជាការបញ្ជាការដ្ឋានយោធាខេត្ត An Giang (ឆ្វេង) អញ្ជើញទៅសួរសុខទុក្ខ និងជូនពរឆ្នាំថ្មីដល់បណ្ដាអង្គភាពនៃកងយោធពលខេមរភូមិន្ទ |
គណៈប្រតិភូបញ្ជាការដ្ឋានយោធាខេត្ត An Giang បានថ្លែងអំណរគុណចំពោះអាជ្ញាធរមូលដ្ឋាន កងកម្លាំងប្រដាប់អាវុធ និងប្រជាជនកម្ពុជាដែលបានបង្កើតលក្ខខណ្ឌអំណោយផលសម្រាប់ក្រុម K93 អនុវត្តប្រកបដោយប្រសិទ្ធភាពនូវការស្វែងរក ប្រមូល និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាមដែលពលីជីវិតកាលពីសម័យសង្គ្រាមនៅកម្ពុជា។
ទន្ទឹមនឹងនោះ លោកវរសេនីយ៍ឯក Thach Thanh Tu សង្ឃឹមថា នាពេលខាងមុខ ភាគីទាំងពីរនឹងបន្តសម្របសម្រួលបានល្អក្នុងការក្ដាប់ជាប់ស្ថានភាព ផ្លាស់ប្តូរព័ត៌មាន រក្សាស្ថិរភាពនៅតាមតំបន់ព្រំដែន បន្តកសាងនិងរឹតបន្តឹងទំនាក់ទំនងសាមគ្គីភាពពិសេសរវាងកងកម្លាំងប្រដាប់អាវុធខេត្ត An Giang និងបណ្ដាអង្គភាពរបស់ភាគីកម្ពុជា។
ក្នុងក្របខ័ណ្ឌនៃដំណើរទស្សនកិច្ចនេះ គណៈប្រតិភូបញ្ជាការដ្ឋានយោធាខេត្ត An Giang បានអញ្ជើញទៅសួរសុខទុក្ខ និងលើកទឹកចិត្តដល់កម្មាភិបាល និងយុទ្ធជននៃក្រុម K93 ដែលកំពុងបំពេញបេសកកម្មនៅខេត្តកំពង់ស្ពឺ៕
បកប្រែដោយ Pham Diep